我不是廖碧兒

終於有時間update吓..

我 - 冇廖碧兒咁好彩見到北極光, 不過我都好開心提早過左一個白色聖誕!

基本上就算你唔係好叻影相, 去到瑞典同芬蘭, 你影親d相都可以好似好pro咁既.. 因為我地響香港冇乜機會見到呢d風景啩?

瑞典哥轉基本上係做野, 去到瑞典office見到各個唔同部門做既野令我大開眼界! 當然, 對公司運作及對當地同事想法都唔同左!

反而去到芬蘭感覺就仲深刻d, 可能因為係自己一個人啦, 所以留意身邊既野會更加細微; 由講野, 點樣揼垃圾, 到搭巴士, 去supermarket買野, 電視廣告等等, 感覺同響瑞典好唔同. 加上冰天雪地一條友, 仲試過半夜三更胃抽筋痛到生不如死, 對腳響個雪地入面乾完又濕, 甚至凍到麻麻痺痺冇乜感覺.. 一切見到遇到既野都令我變得好似一個當地新移民, 好新鮮但係又有d難適應.  不過好在呢度d人真係好nice, 只要你肯主動開口, 佢地都一定會幫你!

試過一次miss左班返雪山既巴士, 冇晒任何辦法惟有問吓人點辦啦..  響一論why呀, how呀, when呀, where呀底下, 佢仲好好人咁車左我去一個resort度睇吓個bus schedule, 有冇另一班車返返去. 雖然最後都係要搭的士返去, 但係俾著香港, 我相信冇人願意咁熱心, 更加睬你都有味啦, 問我咁多問題!!

呢個係一個悶悶地但係又好relax既旅行, 閒時焗個saunna做個mask, 加上早上八點天光, 夜晚四點就天黑, 養成我日出而玩, 日入而息, 訓返久違了既十粒鐘, 真係精神到不得了! 雖然唻緊既一兩年都冇乜機會再去, 但係我肯定, 北極光＋破冰船: I will be back!!