11月7日 K1 Interview

瞳媽一直都話Kindergarden 想比瞳瞳响屋企附近讀... 唔洗搭校車最好.. 打風落雨接送都快d安心d吖ma... 大人細路都唔洗咁辛苦... Kindergarden 最緊要係玩得開心老師照顧得好... 名唔名校瞳媽覺得真係冇所謂 (其實瞳媽某程度上仲好抗拒所謂嘅名校)

anyway... 屋企附近其實都有間幼稚園係有dd名氣嘅... 聽講往年要排通宵爭上午班位... @@ 好在! 今年咁啱轉咗做抽籤喎! 咁只要交form 就有機會la~~~ good ar! (瞳媽就真係貪佢夠哂近!! 行過去10分鐘都唔洗喎~) 交咗form 又比瞳瞳抽中... 雖然係下午班.. 不過瞳媽都覺得冇所謂... 下午班有下午班好... 師生比例大d 照顧都好d.... 瞳瞳又係細仔呢..... 跟住就係11月7日呢日去面試喇~

其實我地都冇乜準備到要教佢d乜... 姑媽就最大功勞.. 成日得閒就同佢講故仔書~~ 眼耳口鼻 數數目香蕉蘋果呢d 都係平時半玩半教唱歌仔咁學識嘅...顏色呢瞳瞳就時得時唔得.... 問佢叫咩名佢都唔係次次答.. 仲要提佢姓咩先答你... 不過我地又冇乜話擔心咁樣學校會唔會唔收... 我覺得佢各樣發展都係起碼到average la... 同埋都叫好記性.. 好多野講過一次佢就好記得... 尤其係d 故事書...  如果學校期望一個2歲嘅小朋友乜都識答嘅... 我都冇野好講~~

朝早瞓醒同佢洗面刷牙換衫著鞋(著咩衫瞳媽都有重視吓嘅.. 前一晚try 過襯定咁la.. hehe)... 之後去大快活食埋個早餐... (原來時間都有d 抆... 我地太大安旨意tim.. haha.. 果然係越近屋企越易遲到呀~~~ haha)

好在都叫準時去到學校... wa.. 好多老師响門口.. haha... 瞳瞳左望右望都唔多怕羞.. 老師主動同佢say hello 佢又揮手say hello... 見到有個房有玩具仲諗住要入去玩住先等一陣.... 點知行咗一步已經有老師叫瞳瞳個名... 好在瞳瞳又冇扭計要入去玩啫~~

跟住老師去到班房門口... 我同瞳爸要响門口等~ 老師帶瞳瞳入去課室.. 瞳瞳見到枱面d玩具已經雙眼發光... 好好奇咁左望右望... 連我地企响門口都冇理...枱上面有生果盤呀積木呀疊疊杯咁.. 另一邊又有d 車仔動物公仔咁... 仲有個coner係煮飯仔...

老師拎起個生果盤問佢咩嚟架... 佢望吓老師又望吓d生果.. 然後問佢有冇橙呀.. 佢指住個橙.... 又叫佢拎上嚟聞吓咁... 老師仲想問佢其他生果嘅時候... 瞳瞳就轉身走咗去玩其他玩具... 我同瞳爸都pu 一聲笑咗出嚟.... 真係吹脹!

之後玩車仔... 又唔識講邊架係巴士... 拎住架飛機又唔識講係乜... 架巴士係回力車.. 一拉車轆有聲... 佢就話有聲嘅? 老師又答佢.. 係喎.. 有聲架喎~ (又拎另一架問)咁呢架呢? 瞳瞳推咗吓: 冇嘅? (笑爆咀)

老師玩d疊疊杯... 叫佢又疊吓d杯.... (屋企成日玩.. no problem la)... 問吓color (瞳瞳亂撞都撞中一兩隻.. 真係lucky)... 老師拎隻bb公仔出嚟想佢講眼耳口鼻.. 點知佢又唔理老師.. =.="

老師問佢叫咩名... 瞳瞳又掛住玩唔答人... 直到老師比塊鏡佢問見到邊個.. 佢先答"瞳瞳".. 呢個時候有另一位小朋友比老師帶咗入嚟interview.. 瞳瞳一見到人地入嚟就走埋去同人地一齊坐... 仲想同人一齊玩~ 好搞野... 老師拎咗個毛巾做嘅蛋糕嚟... 叫佢地一齊唱生日歌... 人地小朋友同老師一齊拍手.. 瞳瞳可能以為自己生日... 淨係睇住人地拍手唱.... (激死... haha)

之後兩個小朋友一齊去咗角落玩煮飯仔嘅地方... 瞳瞳嘅至愛呀!! 拎住d 刀刀义义碟仔唔肯放手... 好在都仲識聽老師叫擺d野落去邊邊度呀咁咋.... 另一位小朋友好快in 完喇... 嗰位老師拎咗包小禮物比佢.. 要佢講完多謝就叫佢媽媽帶去隔離交留位費lu~~

瞳瞳仲响入面玩 =.=+  老師又拎包小禮物比佢... 瞳瞳見到有維他奶响入面就想拎.. 但係又成手都係刀叉玩具... 笑死人.... 老師叫佢擺返去先la... 佢調轉頭又想玩煮飯仔.. 仲反而拎多隻碟仔同條魚... 真係冇佢乎!! 老師唯有叫佢拎比媽咪.... 佢就拎住d玩具嚟我度 (都算佢la... 仲知道daddy mami 响邊.. haha) 交哂d 玩具比我之後我問佢... 老師請你飲奶奶喎... 你要唔要呀? 佢就望向老師話要... 咁老師問佢要講咩架? 瞳瞳答:多謝~ 

就咁... OK架喇~ 可以交留位費~~~ YEAH~~~ 唔洗煩lu~~