瞳瞳weekday 寄宿嫲嫲家 - 戒咗人奶喇...

由於瞳媽有咗小b... 又嘔到九彩... 响精神同體力都冇哂電嘅情況下.. 唯有weekday忍心放低瞳瞳响嫲嫲度瞓...

瞳瞳由出世就一直係媽媽陪住瞓.. (除咗媽媽去咗玩嘅幾晚la... :p) 晚晚都要啜住瞓架.. 而瞳媽實在嘔得太辛苦... 又食唔到野.. 其實都冇乜奶喇... 咁去咗嫲嫲到瞓就順便同佢戒埋奶... 一下子冇得見媽咪 (食完飯就走人).... 又冇得啜住瞓... 瞳瞳真係扭計到爆呀!  佢知道媽媽有咗小b... 成日都話唔要bb.. 唔要弟弟妹妹咁...

我地食完飯... 就要嫲嫲同姑姑佢地好辛苦引開佢注意力比我同爸爸走... 一出門口聽到佢喊真係好心痛... 嫲嫲話佢夜晚又lor lor lun 瞓唔著... 開頭成個星期都要成點幾兩點先瞓著...

放工返嚟見到我佢就好開心咁... 又古古惑惑拉我入房話瞓覺要奶奶... 但係又唔可以比佢... 真係好矛盾架... 唯有同佢講冇奶奶喇... 比你飲哂喇..... 瞳瞳大個女喇.. 唔飲奶奶架喇...  瞳瞳錫媽媽架ma? 媽媽痛痛呀... 佢明d唔明d... 一時話好.. 一時又喊....weekend 跟返我瞓返仲慘... 係都要啜.. 又扯我衫... 我唯有抱住佢一面搖一面唱歌仔氹佢瞓.. 嗰幾晚真係喊到攰先瞓著... 好心痛... 佢個眼袋原本都大架喇.. 呢排仲勁咗 >.<

過咗兩個星期左右先叫好d.. 瞳瞳仲自己話: 奶奶飲哂喇? (好cute~~  >0<) 就咁.. 我呢個奶媽暫時退出江湖喇~~~

而家已經成個幾2個月喇... 瞳瞳叫做習慣咗少見爸爸媽媽嘅日子... 有時我地走佢都肯講bye bye.. 不過有時又會喊吓...

有日同瞳瞳一齊沖涼..  我同佢講: 瞳瞳大個女喇... 做家姐喇喎... 第日bb出世陪你玩好唔好呀? 瞳瞳答: 好!  之後我又話: bb 細個要飲奶奶架喎... 瞳瞳讓bb飲奶奶好唔好? 瞳瞳即刻話: 唔好呀~~ 仲想喊咁.. 我話瞳瞳大個啦嘛.. 可以食粉粉, 餅餅, 又可以食糖糖, 腸仔... bb細個剩係可以飲奶奶咋喎... 咁瞳瞳食餅餅bb飲奶奶好唔好?

佢望住我一陣... 之後指住我心口.. 奶奶bb飲吖~ (感動死我~~~~~)

希望細b出世後瞳瞳唔會太呷醋la~~ 我都會努力架!!