瞳瞳1歲生日玩足3日~~~

瞳瞳嘅一歲party 玩足3日~~ ^0^ 原本想等埋d大合照先... 不過等等吓... 我怕連篇blog 都出唔到呢... 所以都係打住blog 先.... ^^"

11月8日 -- 預早開 party

一早約咗成班契爺契媽... 原本諗住bbq 嘅... 不過可惜book 唔到爐... 於是改plan b 係屋企烚吓烚吓~~~ 又有蛋糕又有禮物收... 好開心呀~~

童爺爺唔知我地已經有網床+波波... 買咗個波波池

比我地... 不過唔會浪費嘅... 瞳瞳媽決定拎去瞳瞳婆婆屋企.. 等瞳瞳去到婆婆屋企都有得玩~~ kakakaka... 仲有收到好實用嘅飲管杯la... 不過唔知點解... 幾個姨姨都不約而同咁買咗夾棉背心仔比我地喎~ 3件咁多.... 唔知著唔著得哂呢?? 最搞笑嘅係... 點解會收到一對翼做生日禮物架呢??? halloween 都過咗好耐喇喎~~~ 不過唔緊要la~ 我地一樣玩得好開心~~ hoho~~

11月9日 -- 生日前夕

前一晚實在剩咗太多火鍋料... 冇辨法唯有食埋佢... @@" 食到我好厭呀~~~

呢日瞳瞳爸要開工... 咁得返我同瞳瞳係屋企... 咁又一時手痕想整豆腐cheese cake.... 咁就買咗d材料返嚟玩吓la... 點知大矇嘅我完全忘記咗d 工具係哂娘家.... 搞完一大輪結果個cake 係唔食得... 因為d 份量又唔啱... 工具又唔齊... 整到天一半地一半咁... 真係冇眼睇......

原本瞳瞳爸夜晚仲要去比賽... 不過推咗嚟陪瞳瞳la~~ 於是等瞳瞳爸收工我就帶埋瞳瞳出到cwb... 食完大餐之後(又係和民... haha)... 去咗玩具圖書館玩~~ 都ok 喎~~  不過最衰係原來唔比影相架!!! 我地偷偷地影咗幾張咁la~~

shuu~~ 靜雞雞影唔好比人發現呀~~

11月10日 --- 正日 

呢日行程最豐富... 一早煮好瞳瞳要食嘅飯仔.... 12點半就去到QE搵瞳瞳爸食lunch 兼探班~~ 係canteen 仲見到產後房嘅姑娘... 不過瞳瞳媽怕羞冇去打招呼哩~~ 一年前瞳瞳就係响呢度出世架喇~ 瞳瞳一歲生日又返返嚟呢度... 感覺好搞笑~~

帶住瞳瞳行咗兩個部門探完班之後就去咗搵婆婆飲下午茶... 雖然我啱啱食飽冇耐... 不過去到大家樂都係叫咗個西多~ kakakak.... 婆婆送咗隻鈪仔比瞳瞳..

又有大利是... 仲有紅雞蛋~~ hehe.... 嘗咗我嘅心願喇~~

之後就趕返屋企... 因為成屋人等緊我地返去開飯呀~~  瞳瞳姑媽買咗個生日蛋糕... 同埋... 可能天氣凍咗啦... 姑媽問打邊爐好唔好喎~~ 瞳瞳媽晏晝聽電話嘅時候: (=0=" 又打??) 哦... 好.... 冇所謂呀.... (從來有得食都OK... 我又唔係負責煮嗰個... 冇理由反對架嘛~~)

食食食食.... 之後又係切蛋糕同影相時間~~ 姑媽拎咗佢同小朋友玩嘅道具出嚟... @@" 做乜又嚟哈佬喂??? 不過都係求開心啫.... 我地一齊變哂身.... 雖然低 b d... 不過都好開心呀~~ 瞳瞳聽到我地唱生日歌... 仲開心到係度拍手掌tim~~