瞳瞳入院記 (6) -THE END -

老公留低咗兩本漫畫比我睇... 不過一個人湊住瞳瞳係冇可能睇到嘅...瞳瞳到11點都唔肯瞓覺 >.< 好明顯係晏晝瞓得太多未玩夠.... 隔離床嘅B仔 -> 雨健 一早就瞓咗喇.... 雨健媽媽見瞳瞳仲唔願瞓就走嚟同佢玩喇....

佢係full time mommy... 一路同瞳瞳玩我地就傾吓媽媽+女人經.... 佢話瞳瞳睇得太多電視喇.... 真係汗顏..... 我覺得雨健媽媽好好心機湊bb呀.... 我見佢成日都同雨健玩同傾計... d 玩意又多花款... 佢就安慰我話要返工唔同full time.... 不過佢話佢寧願返工喎... 唔想同社會脫節咁話.... but我就話可以嘅我寧願花一兩年時間陪住bb.... bb呢個時間發展太快喇... 日日都唔同.... 而家返工忙到返到嚟都冇乜精神同心機陪亞女..... miss 咗好多野呢.......

瞳瞳玩得好開心呀... 玩咗差唔多半個鍾終於攰 =.=" ... 我自問真係冇咁好力抱住佢又飛又轉玩咁耐....  睇嚟我真係要加油加油喇.... 隻傻豬痴住我啜咗幾啖就瞓到好冧喇... 瞳瞳瞓咗我反而瞓唔著... 咁就睇埋本漫畫先瞓lor..

第二日一早起身搞埋d例行公事 -- 同瞳瞳沖涼... 之後就係度等醫生嚟喇... 姑娘見個點滴又唔係好work.. 就話都出得院咯.. 不如拆咗佢la~~ 我聽到不知幾開心呀!!! 終於唔洗拎住棵聖誕樹周圍走... 又可以放低瞳瞳自己舒展吓喇~~~

瞳瞳見姑娘搞佢隻手手又開始驚喇... 不過我抱住佢都好d.... 一拆開... 好臭呀!!!! 梗係la... 焗咗咁多日!!!  wa! 見到支膠針管已經曲哂... 唔怪得成日都唔work la!! 肉赤c 我... 拮咗我地咁多日!!! >.<  跟住比咗舊綿花按住佢個傷口5分鐘.... yeah~~~ 成個鬆哂~~~

姑娘叫晏d再返去treatment room同佢洗一洗&消毒~ 隻手仔真係臭到呢... +___+ 我忍唔住拎咗濕紙巾同佢抺手仔... wa! 有老泥呀!!! @@" 抺完舒服哂... 瞳瞳都好好奇咁望咗自己隻手仔一陣... 好似話... e? 冇野紮住我喇喎~~ 咁.... 不過紮咗咁多日... 佢隻手仔唔慣呢... 成日揸埋個拳頭仔.... 我就比d玩具佢拎嚟玩等佢郁吓隻手仔~~~

等呀等... 醫生仲未嚟... 原來雨健今日都應該出得院喇~~ 雨健媽媽見瞳瞳可以自己係床仔企同周圍行都話瞳瞳叻叻呀~~ 我地仲比佢地兩個一齊玩~ 兩個bb 一齊玩真係好搞笑... (等我有時間post 返d相出嚟先得.... ^0^ ) 玩咗陣雨健攰喇... 要去覺豬... 瞳瞳就繼續係床仔爬高爬低... 不知幾開心.... =.=+

之後奶奶同老公都到咗... 等到成12點醫生先嚟~ 睇完瞳瞳一早嗰d poopoo 之後就話都ok 啦~ 比佢出院啦好嘛~  YEAH!!!! 終於可以出院喇~~~~ 不過之後又要等... 結果等到成兩點幾我地先埋到單走得呀~ 埋單差唔多成兩皮野... @@" 真係好彩有買保險..... 我仲同雨健媽媽交換咗個contact... 遲d send 返d相同video 比佢先得~~~ 

  後記 - 覆診於8月27日星期三  

呀醫生都真係好奇怪... 覆診先嚟比口服電解液同止痾藥我地... 之前又話d 菌要痾清佢所以唔好食止痾藥... 同埋電解液唔係驚佢脫水先要食架咩? 佢都冇乜點痾啦... 仲要食呢兩樣野??? 唔通比定我嚟看門口用??? 最搞笑嘅係... 奶奶話醫生話如果腸胃再唔好可能要轉奶粉... 又話再痾返就要比豆奶佢.... =0= 究竟佢係唔support 人奶吖定係真係唔記得我地係人奶b 呢???  =____="

P.S. 多謝咁多位關心... 瞳瞳已經好返哂喇~~~