給Qoo 仔的第10封信-------為朋友? 為自己?

Qoo仔 您好嗎?

現在香港開始轉涼了! 你在天堂天氣好嗎? 我想一定會四季和暖, 天氣晴朗!

媽媽剛剛開展工作之時, 曾經約一位朋友出來傾談, 得知他早已跟另一位同樣做保險的朋友, 買了一份保單, 傾談至尾聲, 他表明不會同我買保險, 因當我了解他的箇中原因後, 我心中非常感謝這位朋友無幫我買!

為什麼? 因為他當年買那份保險只是為朋友, 自己根本係無需要! 而當年那位做保險的朋友能順利開單, 一定會感到很開心! 但很可惜! 一年後那位朋友取消了份保單!

為什麼取消? 正正係因為他覺得呢份單根本係無需要的! 但他白白浪費了整整一年的保費! 他仲覺得無所謂啦! 浪費了錢唔緊要! 當年係為左幫朋友!但他不知道取消份保單對那位保險朋友的續保率很有影響的! 那位朋友就罵他為何要取消份單! 就這樣, 一個白白浪費了一年的金錢, 另一個也受到影響! 何苦呢?

既然係無需要, 當初就真係唔好買! 為朋友? 最終大家都有損失, 值得嗎?