梅菜扣肉 / 香芋扣肉

嘩, 又o係yahoo blog寫野喇, 比起facebook, 呢度真係感覺寬敞d, 開揚d, 無咁焗促, 對於鐘意發下嚕囌, 講下廢話既我來講, 都係呢邊適合我d.

昨日去上左呢個班, 去到望下望下個導師, 再聽d同學仔講下, 原來呢位師傅就係早排亞So節目, 去元朗紅磚屋訪問果間私房菜既老板來既 .

無倒扣既梅菜扣肉 - 因為上堂人太多, 所以唔可以用碗仔倒扣出來.

無倒扣既香芋扣肉

兩款扣肉一隻碟 - 好味係好味既, 不過呢, 導師話佢已經係前日整定, 昨日上堂前再蒸2個鐘, 不過肉同芋頭都未夠鬆軟,我諗係屋企整, 最少要搞佢四五個鐘.

紹菜鴨腳包 - 又係咁囉, 味係好味既, 不過超菜雖然蒸左半個鐘, 但未稔得晒, 以致我咬住條紹菜頭時, 無法咬斷, 於是唯有成條塞晒入口, 我幻想自己跌番條菜o係口邊, 就襯晒萬聖節扮鬼.

客家咸湯丸 - 分子料理原來早在客家菜中出現, 以為佢係魚旦, 點知佢係鹹湯丸, 以為湯丸入面包餡, 點知原來係撈粉漿時撈埋魚肉入去一齊唧出來, 客家人真係前衛.