去年今日

Daddy好耐無寫blog喇! 都係時間出下手, 表揚下我地呢位小姐喇.

上年既年初一, 我個人比meagan"入左3球".

事緣daddy無手尾亂咁放隻介子, 以為唔見左. 咁大年初一我地落樓, 準備坐伯父既車返嫲嫲度拜年, 0係搭扶手電梯既時間, daddy見到小姐既手上戴左佢既"朱義勝"珍珠介子, 咁就有感而發咁記得自己唔見左隻介子, 就同mommy講我想買返隻介子, 點知小姐即刻講 : "做咩你咁貪心架, 見人有你又要有!!!!"

個案二, 上到伯父部車, daddy坐前面, meagan又突然爆一句 : "嘩! daddy你好高呀, 你食多d 飯丫, 就會掂到車頂喇." ( P.S. meagan唔係第一次坐呢部車, 每次都無講, 係擺明年初一先黎講, 係咪玩野先???? )

個案三, 我已經唔記得喇, 因為已經到頂喇........... 就係咁, 我上年既大年初一, 就比位小姐 3:0喇.

今年, 小姐開始識得教人講野, 好似有一次daddy同mommy傾計, 講到mommy去探jade, 咁我就知道mommy就梗係講去探細姨, 其實買衫為實! 我就講:"咁妳實膽拖shopping架啦", meagan就問, :"咩叫膽拖呀?", daddy 知道領左野, 但係又焗答 :" 即係順便咁解."   meagan老師就話喇, :" 咁你應該講順便丫嘛!"  daddy : " ...............................yes madam!"