柴灣公園洗池~~~ 唯一機會救龜!!

大約1個半月前, 龜友"小古"話見到柴灣公園, 有隻龜個嘴被一個勾勾著...當時覺得唔係話, 有人咁變態ma..於是即管去睇睇, 係"小古"幫忙下, 終於搵到佢..真係好慘, 點可以咁對龜龜呢.....個勾已經生锈, 佢又合唔埋個口, 都唔知佢食唔食到野....我真係唔明, 龜龜都係生命, 係要值得尊重的...有必要另佢受苦嗎?? 要如此冇人性地戲弄龜龜嗎??

不過, 龜龜從來都只係池中間的石...唔游去岸邊, 用糧引佢都唔得(相信係怕咗人), 所以去咗2次, 等咗好耐, 餵哂蚊..都捉佢唔到.

另方面, 我就問準"兩爬" , 用協會個名, 問柴灣公園, 可唔可以幫我地捉到佢, 等佢有醫治的機會, 而公園都說很樂意幫手...終於等到呢一日, 經"小古"報料, 上個week, 柴灣公園真係洗池.

清哂d龜/魚...抽哂d水

不過, 俾我地發現有龜係度行...應該可能佢地匿咗係石中間未被發現
(大家放心, "小古" 同佢先生..好勇...跳咗落去個乾池, 救哂d龜去暫養池個度..勁)

其他的龜去咗邊??放心, 今次冇被人道毀滅...係被安排係個細池.

見唔見到下面幅相, 紅圈有條魚絲??

大家相比, 第一幅相隻龜, 有勾冇魚絲...而呢幅相明顯魚絲好長....加上"小古"話發現一向係個度的2隻水魚..其中一隻個口無端端都被勾住個口...我地懷疑有人釣龜或釣魚個陣, 龜龜咬到個勾...

此事我亦都通知咗公園個邊...佢地今日打俾我, 突然話今個星期會將龜, 放番入池, 可以俾協會去檢查龜隻....不過最遲係今個星期四/2pm要開始放龜落池.

嘩, 事出突然, 都唔知可以點樣去搵人...因為無論係我/小古, 甚至係協會的人, 全都是義務性質, 要突然請假, 真係"談何容易"...而公園就話唔可以delay到星期六啦...搞到我好愁!!

因為今次係難得的機會, 再要等下次, 唔知幾時..而龜龜長期有個勾係度, 有好多問題的....如果發現多一隻龜有咁情況, 我地一班龜友亦都唔應該坐視不理, 到時可以叫公園方面做多d保安....

****** New Update / 24NOV / 4:34PM ******

柴灣公園剛剛reply 咗, 佢地星期三就要放龜...太趕了...不過多謝"龜中密友" 同 "小古" 願意幫呢個忙(我放唔到假)...希望我地幾個真係可以救到隻龜龜, 跟住同佢搵新主人啦...之前留言話幫手的龜友...容許我多謝你地!!