網誌分類：學業 |
轉眼間..喺HKU學習日文已差唔多一年了...成績都幾好...算係滿意啦！
我鐘意學習不同國家嘅語言..繼2006年喺中大讀咗個“煲冬瓜”(普通話)專業教師牌之後..兼職教咗幾個課程...教落先知：呢樣嘢唔係我杯茶。我忍受唔到學生嗰種懶散嘅學習態度。用盡心機想佢地可以真正去學習同感受吓“煲冬瓜”嘅有趣之處..結果都係一樣。對於那些一教就教咗十幾廿年嘅全職教師...真係心存感激！如果個個都好似我咁..呢個世界就大件事啦！..睇來辛苦讀來嘅“煲冬瓜”唯有留來自用。
宜家我嘅新寵就係日文了..2007年9月開始喺HKU讀。我諗最少要讀4-5年。淨係喺香港讀就真係滿足唔到我...我最想..放低香港嘅一切,走去日本住佢幾年..真正乜都唔做..一心去學日文..平時就返學..週末就周圍遊覽..或者做下兼職..既可以幫補學費,又可以真正同當地人溝通..體會吓當地嘅風土人情..咁學到嘅日文就真正係地道。宜家喺香港學直情係鸚鵡學舌...只係睇下邊個學得似D咁解。學任何一種語言..都要真正去了解嗰個國家嘅風土人情..才可以真正學到嗰種語言嘅神韻。
暫時來講,呢個只係我嘅小小夢想...講真吖,話走就走咩..雖然薯仔支持我..但公司已經唔會放人啦...我走咗..薯仔又點呢？
...暫時放唔下佢呀。
舊年學校組織短期遊學團去日本..當時薯仔考緊警察,好需要我留低喺佢身邊支持佢..所以冇去到。今年...薯仔話贊助我再去呀...開心！
' Kin Man " 2008-05-16 13:53
點會遠遠不給呢.....我比不上你就真吧...哈哈
語言我自己都覺得好重要...我自己都好想學識日文同英文...
同外國人傾下計咁....我講得咁樣先夠特別....
不過以上兩種同都很弱....普通話都吹得幾下...
不過當然沒有老師你的準啦
apple 2008-05-16 09:15
他的野蠻女友2008-05-16 09:58
係呀..apple..我就係鐘意日本嗰種文化氣息..同埋當地嘅風土人情..有時不得不佩服d日本人..想當初..都係中國人東渡扶桑先至有硫球國..發展至今日嘅日本咁先進...好勁呀！日本人最令我欣賞嘅一樣嘢就係：做事特別認真。
' Kin Man " 2008-05-15 23:08
好勁播...普通話教師...我d普通話都唔係好得.....
有機會要向你指教下啦...哈哈...去日本留學讀日文快過hk好多啦一定
日講夜講一定快熟好多......我都支持你 !!
他的野蠻女友2008-05-16 10:03
KoEy 2008-05-15 14:51
他的野蠻女友2008-05-16 10:07