網誌分類：生活日誌 |
成功考到車牌已經差唔多2個月..我都好少揸車..
今朝薯仔放工返到來,諗住送我返工.. 一排冇操練..所以,一開始係小心翼翼.. 不過,好快就上手..行得幾順.. 掛住P牌..其他駕駛人士會唔會鍚住你呢？ 答案係：唔會！仲會蝦你TIM.. 擺到明唔岩..都要CUT你線！ (學車嗰時經常遇見呢D人！) 其實駛唔駛呀？個個都會經歷新牌仔嘅階段.. 你估你一出世就識揸車呀？ 香港之所以咁多交通意外, 都係因為有呢一撮唔守规矩嘅人.. 我今日表現都算OK...未到滿意... 下次要再好D！唔好超速.. 因為我今朝都超速..唔覺意行到80幾公里.. 好彩冇俾人影相！
...
...
samsamdandan 2009-07-30 19:44
你就好啦，我覺得女仔揸車返工超型呀‧‧‧
他的野蠻太太2009-07-31 10:10
女仔揸車型？以前唔識揸嗰時都覺得好型！佐宜家識揸又唔覺wo...hehe..好快到你啦！學成點呀？
Fanny 2009-07-26 05:49
o唔怪得~~
我手車好鬼屎架咋, 係識唔讓揸的士既人~~ keke~~ 星期6揸車直情想發癲呀 !!!!!!!!!
小心~~
他的野蠻太太2009-07-26 09:24
apple 2009-07-24 19:29
香港人揸車好冇禮貌，自己轉線唔打燈，見人地轉線又唔讓。
你真係好叻呀！
他的野蠻太太2009-07-25 09:13
丘比特與紅娘 2009-07-22 17:54
本公司服務範圍：訂購各類電腦產品/文儀用品/嬰兒產品/婚禮用品/寵物產品
TEL : 34288488 / 95255012
hello..得閒揸住架車都幾好玩架...
D人係咁架啦..仲要係見到女人揸的話仲要蝦得緊要呀...好衰架..
後未我掛左有小朋友在車既標誌好似好左WOR..你都可以試下!
他的野蠻太太2009-07-23 09:14
Fanny 2009-07-20 15:51
揸多D就OK架啦~~ 可以夜晚少人少車揸多D啦~~
BTW, 你個BLOG好多音樂交錯.......令我好混亂........
他的野蠻太太2009-07-21 09:18
你手車好掂！(羨慕中)
...我會多d揸..希望好似你咁啦...
多謝你話俾我聽,我blog嘅音樂問題呀..因為我自己部腦冇裝喇叭..所以唔知..宜家大家都可以靜靜哋來探下我啦...
...