廚房裡的幸福

去Supermarket...街市買餸..煮飯俾薯仔食..

當然我都有份食啦...

如果自己一個人係屋企..基本上,我係唔會煮嘅..

煮飯都係因為薯仔...

記得初初同薯仔拍拖嘅時候..

佢成日同我講..

“如果你可以煮餐飯俾我食就好啦”.....

而我每次都係百般推辭“遲d先算啦”..

又或者..干脆大大聲聲咁答佢“唔煮呀！”...

嗰時,我好野蠻兼任性嘅...

薯仔就好“就”我同“縱”我..

我日日都做野蠻公主！...

唔知由幾時開始,我煮咗一餐飯俾薯仔食..

(真係唔記得幾時！點解我肯煮飯俾佢食)..？

自從第一次食我煮嘅嘢之後,

薯仔對我嘅烹飪就讚不絕口...

(整住家飯係我強項)　..

餐餐佢都食好多嘢..不過,唔食菜..係一個食肉獸..

睇到佢的飲食咁唔健康..

我同自己講：一定要搞掂薯仔嘅飲食健康問題...

之後每次煮飯..我會整幾道唔同口味嘅餸菜..

暗中減少肉類嘅分量...逐漸加多d蔬菜類..

逼佢食多d生果...

宜家..薯仔已經由當初嘅食肉獸..

變成現在嘅健康飲食啦...

一切嘅轉變都只不過4年時間！

我嘅身體都好咗很多呢..因為少咗出街食ma...

每晚,我係廚房忙碌嘅時間...

薯仔就會係梳化度睇電視..打機...

每次,佢都會好大聲咁同我講以下呢d說話：

“老婆豬..我好幸福呀”.嘻嘻..

“老婆..好鐘意睇你煮飯嘅樣”..

“老婆..你日日都煮飯,會唔會有一日唔想煮嘅”...

每次,我都係淡淡咁..笑住睇下佢..又再忙住整餸..

但...個心係好甜！

如果有個人可以令你心甘情願..

每日為佢煮飯..洗衫..

而且做得開心的話..

那麼,你已經好幸福.