住家湯--番茄蟹湯

天氣涷咗,各位要注意保暖呀...呵呵..。

呢排忙得很..成日唔煮飯,搞到薯仔公冇啖好食,身為佢老婆的薯藤藤,慚愧呀.....

琴晚,的起心肝整咗味番茄蟹湯。

1：挪起隻衰嘢影張相先..我驚佢鉗我,所以嗌薯仔上陣..嘻嘻..我個衰仔同新抱又話要上鏡..又要驚..哎！想點呀..衰仔？....

2：幫d蟹沖涼洗白白先..搞干淨點先食得..

3：(35分鍾)後,鮮甜美味嘅番茄蟹湯ok啦！飲湯食蟹,d蟹肉鮮甜到唔識講...蟹鉗入邊d肉起出來成條咁食..正吖！

(喂！你兩隻嘢想點呀)？.......(黑妹問：媽媽..可唔可以飲呀)？

材料：遊水花蟹2隻 

            番茄4個   豬肉半斤  芫菨少許

製作：水滾落番茄、豬肉煲30分鐘,再落蟹煲熟即可。

緊記：調味落一匙白醋,可提昇湯嘅鮮味(蘇xx教落,真係work嘅)。