Chateau Lagarosse Premieres Cotes de Bordeaux 2003

呢支半瓶裝 ( 375ml ) 喺 5 月 Everyday Bordeaux 時買，記得幾年前飲過，但當時未有對葡萄酒產生興趣，飲不知味，加上呢支酒之酒香比當日試酒會其他品種不同 （有陣芝士味，嘿！），特意買支返屋企飲下。

酒色頗深，呈深紫色，開瓶酒精頗重，酒香有強烈芝士味 ( 酒友 Fanny 覺得似腐乳 )，黑加侖子及莓味只是微微滲出，入口後之感覺頗不平衡，單寧霸道及酒精頗重，回味有陣苦味，似飲中藥。

透氣大約一小時後，芝士味及酒精減退，酒香變化為黑加侖子及甘草味，入口後感覺有改善，果味、酒精及單寧開始＂和平共存＂，回味亦有甘草味，但不似之前之＂苦＂味，總之就係＂甘甘地＂。

話好好飲就肯定冇佢份，但以物值計 ( $89 ) 其實自己覺得 OK，起碼佢幾有＂性格＂。