南丫島之旅

   今個暑假第一個節目,就係去南丫島喇!!!都有成十年冇去過喇!個度變得好更要呀!!!靚左好多!而家坐船係中環過去只係25分鐘,嘩咁快既咩???

一落船就去拎左渡假屋先喇!

原來都唔係呢間,我地個間係入面d既,靚就唔講得啦,係叫做有個地方訓一晚咁囉!!!拎好房放好d野,我地就即刻去食左野先喇!因為食完野就打算去游水喇!!!各自換好哂衫就向洪聖爺灣出發喇!去到半路見到間名店呀....

呢間豆腐花檔係度好附架喇,我老豆話以前呢度係田地黎架,中間得一間豆腐花檔係度,所以好記得有,但係而家就見唔到有田地咯!岩岩食飽,都係回程先食喇!一路再向住目的地進發喇,咁難得黎到南丫島,更係要參觀下個大風車啦,咁猛太陽我都唔係好想游水,咁我決定先上大風車喇!點知個個怕行上山,得番我同老豆都話想去,唔理佢地,我地2個人上喇!行左十幾分鐘,嘩!終於見到大風車喇!!!!!!

不過好似仲有好耐先到咁既?行多大約十分鐘到!終於到喇!!!

第一時間同老豆影番張相先!!!

去到個風車下面,真係聽到呼呼聲既風聲架,感覺好正!仲有個計算表添!!!

跟住我地就行上呢個山頂亭睇風景喇!!!

一面就係睇到全個大風車,另一面係望住香港島架,風景好正,坐左陣行番落下沙灘喇!沿途一路上山,兩邊都有好多呢d大蜘蛛結伴架!!!

第二日十點幾起身我地執好哂野食完早餐就要去交房喇!!!呢2日都玩唔到d咩咁既,下午妹夫要做野我地就坐一點45分班船走喇!!需然冇咩特別野食同玩,但係一家人一齊玩左一日都算好開心,希望下次有機會,可以再深入d咁去行一次南丫島啦!!!