新髮型

TA姐，因為妳，知悅又返黎喇！哈哈~~~ (想偷下懶都唔得)

早幾日，知悅爸爸提議不如幫知悅去剪短D頭髮，我都同意，因為襯佢細細個，試多D造型，就算出黎效果唔靚都唔怕佢唔開心，因為對佢黎講，有頭髮都冇頭髮一樣，只要有得玩就得。今次亦係由知悅既指定髮型師安舅父為佢操刀，但因為今次剪既頭髮多左，所以需要既時間亦長左，剪到尾段時，婆婆話知悅開始有D不耐煩，婆婆就TUM佢剪完髮之後買益力多俾佢，之後知悅就乖乖咁俾父父完成呢個新髮型喇！攪左一輪，離開父父間 Salon 後，婆婆正打算同知悅返屋企既時候，知悅突然同婆婆講：「婆婆，買益力多」，婆婆話其實佢自己真係唔記得左，但應承左小朋友既野，就一定要做，唔好以為佢會唔記得，最後當然係去買益力多啦！

新髮型出黎後當然引黎好多回響啦！有人話好可愛好得意，有人話似村姑，有人話佢細個左，有人話似萬寧廣告既小妹妹，有人鍾意佢以前個LOOK多D......... 大家冷靜D先，我地會盡量因應大家既要求，去同佢試多D既造型架喇！哈哈~

剪髮後4小時，好可愛呀！

又黎扮可愛~~~~~

呢張相係出街時，我地係條街度等緊知悅爸爸時影架，知悅真係一直都望住遠處，睇下爸爸返黎未架。

新髮型............睏醒後，好似打完風咁，哈哈~