兩個知悅

上星期日提早一家人跟知悅爸爸慶祝生日，所以中午去了尖沙咀食 Buffet，之後到了知悅姑媽家跟大表妹玩，再晚一點就一起到紅磡影樓替知悅影BB相，由於我們當晚在影樓影得太晚，所以未揀相就走了去食晚飯，留待4號再去揀相後再登出來跟大家分享啦！

 



知悅最鍾意見到嫲嫲，除了係因為嫲嫲會唱 ABC 俾知悅聽外，就係一定可以食大人野，嫲嫲成日都俾唔同既食物知悅試，食到知悅流哂口水，哈哈~



知悅：「嫲嫲，點解妳個樣都唔似人地個d嫲嫲既？妳個樣咁後生，人地好難信妳有三個孫架喎！」





食完 Buffet 係酒店度見到好大塊鏡，大家估下知悅會做 d 咩。



初頭好開心，見到兩個自己，係咁傻笑。



仲要笑到兩隻手係咁拍塊鏡。



繼而知悅開始貼埋塊鏡度，咦~~ 知悅妳做乜對住塊鏡噴氣呀？

知悅：「媽媽，我同呢個 BB 跳緊辣身舞呀！我地好合拍架！」



可能見到一個同自己一樣樣既 BB 太開心喇！黎個 kiss 先，知悅個樣.........好 enjoy。



知悅爸爸見隔離有個琴，第一時間走去俾知悅試下，因為第一次見，初頭知悅都唔係好敢掂，只係用一隻手指仔去點下。咦~~~ 真係有聲架喎~~



知悅開始發功喇！朗郎上身。



小朋友，妳知唔知唔掂得架？



去到姑媽屋企只係見到大孖 OK 姐，細孖瑜瑜就留係佢爺爺屋企，所以張 Sofa 夠位坐，哈哈~~



由於呢兩位小姐呢期出牙期，所以成日搵野黎咬，見咩咬咩，玩具都唔會放過。



好可愛加好斯文既 OK 姐，比起知悅，OK 姐真係好女仔架！