2009廈門遊 - DAY 2 (10 July - Part 2)

話說我地同土樓嗰個導遊失散咗好耐，佢先識得嚟搵返我地。真係好奇怪，開頭明明成團人一齊行，再到最後得返幾個人跟住自己，都應該返轉頭搵返啲團友架.......唉.......

同佢滙合返之後，我地跟住她再深入村莊，再睇咗幾個土樓咁啦，但因為天氣真係太熱，我真係無乜心機再行啦.........

行完呢個土樓之後，我地就要去另一個土樓 - 四餸一湯。去呢個土樓就要自己比錢啦，因為團費唔包架。但呢幾個土樓又真係幾有特色的，好多旅行團的簡章都係用呢張相嚟做招牌架。

因為呢個田螺坑的土樓係山入面，大旅遊巴入唔到去，所以要再坐接駁車，沿途可以睇到好多翠綠的梯田，對城市人嚟講真係幾靚架。

去到一個暸望台的地方，就可以睇晒四餸一湯的全景，不過我地唔好彩呀，影影下相落大雨呀。

係土樓入面，其實好多地方都變得商業化咗，多咗好多小攤檔，還有即劏的農家雞賣，有唔少團有都買咗，等四十五分鐘到就有得囉。

離開田螺坑去食肆食晚飯時，突然間個天黑晒，成間餐廳停電，食咗餐名符其實的燭光晚餐，跟住司機仲要開車開得超快，能平安返到酒店真係萬幸。