Sogo Thankful Week

又嚟到半年一度的Sogo Thankful Week啦，等咗咁耐，當然要去「出血」一番啦~~~!!

第一日去迫下，嘩......實在太多人，尤其係鞋部同化妝品部，幾乎係插針都迫唔入，所以只係買咗幾對絲襪就走。

上星期日同阿媽再去，可能呢日落大雨，無乜人，行得超級鬆動，哈哈~~~!!終於買到對鞋~~!!雖然唔係JELLY BEANS，但都無所謂啦，因為屋企好多鞋都行到蝕晒........

哈哈.........到咗今日，因為大陸放假，我地全日都無嘢做，所以可以準時收工，真係入咗呢個部門未試過。橫掂見早收工，於是再去尖沙咀SOGO迫下，因為啲同事話係尖沙咀呢間好行啲，啲鞋多款啲。

但我去到都多人囉，特別係IPSA嗰度，想迫入去揀嘢都難。幾經辛苦，終於去到ESPERANZA個COUNTER。唉.............行咗兩個圈，點知都係睇唔啱，想買IPSA都無我想要嗰SET，臨走入咗LONGCHAMP八下，哈哈.........咁就出事!!因為本身真係無打算買，點知見到個桃紅色的袋，隻色自己好鐘意，所以就「出咗血」啦......