2009年...9月 - 新鞋巡禮

媽媽鍾意買鞋比自己我知, 但原來媽媽都鍾意買鞋比我~  近日媽媽發現我唯一一對布鞋有點殘舊, 又見網友的BB有好多鞋仔, 於是去買了兩對皮鞋給我, 一對lady d 一對sporty嘅 :

媽媽, sporty 個對都ok, 有d粉紅色幾靚, 但另外個對就… 咁深色, 我唔係好鍾意喎…

其實我出世時爸爸老細都送咗對皮鞋比我, 我好鍾意, 因為好淺色嘅~

睇吓... 幾型~

媽媽, 下次買鞋可唔可以帶埋我去呀? 我自己揀!

點知, 話口未完, 第二日媽媽同嫲嫲飲完茶後, 就帶埋我去買鞋, 今次係嫲嫲揀好比我試完ok先買嘅, mm... 今次d 鞋係唔係 kawaii 好多呢~ 不過, 一向慳家嘅嫲嫲又會同媽媽癲埋一份嘅??

事情不是這樣就完結, 之後果日, 媽媽同婆婆姨姨飲完茶後, 行街時姨姨見到公雞波鞋好靚, 又話買比我, 咁我咪試吓囉, 點知一拍即合喎! 咁我又多對鞋仔啦! 

估唔到我一係唔買, 一買就連續買三日鞋…媽媽, 突然間咁多鞋, 我著唔曬喎~~