搞搞新意思

有睇我之前 D blog 的朋友, 都應該知道有關我婚禮的事全部都好趕下... 其實都時間無多, 不過我就係點都要為我的囍帖搞 D 花臣野先安樂!

我張囍帖係咁樣的:

大家都見到內容係集中印在左邊, 而右邊係 "吉" 的。 為左令張帖睇起上黎無咁單調, 我好耐之前已經打算印 D 圖案在右邊的了! 不過我發覺依家好少地方有印章賣 (明明以前細個時周街都有得賣架嘛)... 揾左好耐, 最後俾我揾到 3 個岩心水的 :

因為我都有成二百幾張帖, 所以呢幾日就係閉關蓋印! 其實我唔需要搞到張帖好靚/好花巧, 只係有 D 野睇下令它無咁單調就可以了! 搞完一輪, 最後我的心血終於面世啦:

了解我的朋友們都應該知道我好鍾情中式的東東, 呢個中式印章我真係好鍾意丫!! 對新郎 & 新娘真係好有 sweet 和幸福的感覺喔! 再加一對蝴蝶, 為他們加添一點溫馨的感覺~!! 本來我係想用 watermark stamp pad 來印的, 但我張帖表面有層膠, 用 watermark 來印會好唔明顯, 所以最後用左金色來印!!

雙囍利事封係在金都買的, 行勻成個金都, 最靚又最抵都係呢個利事封啦! 我一直都想用 D 的式 D 既利事封放在帖入面, 呢個 size 剛剛好, 正好可以貼在右邊的左上角!!

其實我係極度唔得閒的, 不過我好似唔搞下 D 餅卡會唔安樂咁! 我買的係美心餅卡, 本來係咁樣的:

既然係西餅卡, 就幫它加個西式印章啦:

哈哈! 我係咪好無聊呢!?

好喇! 係時候要發送紅色炸彈啦~~~!!