忙

超級忙丫!!! 公又忙, 私又忙... 忙到我過去呢一個星期真係完全無時間寫 blog, 個 ranking 即刻跌晒...

我仲有兩個星期就要做新娘子啦, 但我仲有好多濕星野未搞...我好驚搞唔切呀~~!! 呢個 week 又鬼咁唔得閒, 公事超忙!! 之前 D 客明明好靜, 好清閒無咩野搞架嘛, 點知其中一個客在最近呢 2 個 week 一共落左 10 個新 project 俾我... 但另外都有 D existing 的 projects 仲 develop 緊... 即係話, 淨係呢個客都已經有成十幾廿個 projects 要跟... 而我又唔只跟一個客 D 野喎!!! 加上我 D 客又鬼咁麻煩, 成日改呢樣改果樣!! 我公司間大陸廠 D 人又白痴, 成日做錯野或搞出好多問題要我去處理!! 呢個 week 我真係忙到連瞓覺的時間都無呀!! 最慘係我 predict 到黎緊我都會好忙, 因為每個 project 都 at least run 半年, 我仲要同時處理十幾廿個呀!!! 我結婚前兩日就會開始請假, 雖然我結完婚後唔會即刻去 honey moon, 但我 total會請 3 日, 我真係不能想像果 3 日後返到公司會有幾多工作 & emails 等住我做 & 睇 (平時唔返一日都做到隻狗咁).... 嗚... 諗到呢度我真係想喊~~!! 點解我 D 客早唔落遲唔落, 係要我結婚果段時間先落咁多個 projects 俾我做啊...

唉, 有時諗諗下, 真係好想結左婚之後唔做依家呢份工! 因為我有自己的家庭, 好想放多 D 時間在家庭度, 有時間做下家務﹑煮下飯俾老公食! 唔想成日為份工日做夜做無晒私人時間!! 不過... 諗下好喇, 呢 D 都係等我中左六合彩頭獎先講啦...