我的結婚戒子

結婚, 當然係會有對結婚戒子啦! 好多夫婦通常都係在決定結婚後﹑差唔多結婚前先會去買結婚戒子的。 但我呢... 係在未決定結婚 & 無心插柳的情況下買左依家呢對結婚戒子的!

我同小紀係在 08 年 10 月決定結婚的, 但我地對結婚戒子在 07 年時就已經買了! 其實我同小紀一早都視大家為結婚對象, 所以好耐以前我地已經會傾結婚的問題, 不過果時仲未係時候結婚, 所以都只係純粹傾下而未有計劃行動。 不過有時行街, 經過 D 珠寶行, 都會走埋去櫥窗望下 D 結婚戒子! 但我自己其實比較掩尖, 睇過好多款式都唔岩心水, 唔係嫌它老餅就係嫌它太過單調...

直到有一日, 我同小紀在旺角行街, 本來無打算去睇結婚戒子的, 但咁岩經過彌敦道的周生生, 於是就好無聊地走埋去櫥窗睇下野, 結果我就被一款結婚戒子吸引住! 我同小紀講覺得對戒子唔錯, 所以他就拖左我入去鋪頭坐低睇。 店員拎左對戒子出來俾我地試戴, 戴上手後我同小紀都覺得好好睇! 不過果時都未諗住結婚, 同埋對戒子其實都唔平 (因為係白鍂 + 鑽石), 所以都十五十六唔知買唔買好... 不過小紀表現得好鍾意款戒子, 而他又覺得難得掩尖的我睇岩個款, 所以最後我地都決定將對婚戒買下來!

呢對 Love Diamond 系列就係我地的結婚戒子啦:

其實大家可能覺得個款好普通, 不過我就好鍾意它光啞效果的對比, 咁樣令到粒石看起來更加閃呢! 其實我當初無去留意對婚戒係咩材質, 只覺得它們都幾貴, 不過自己淨係睇中呢對, 而且又係戴成世的, 所以最後都買左! 後黎我先知原來它們貴, 除左係因為粒石外, 某程度上係因為個材質係白鍂 (正確黎講, 應該係 PT900)!!

其實白鍂材質有好有唔好... 當初我都好想買白鍂戒子的, 因為白鍂唔會變黃; 但後來我去六福訂做鏈墜時, 個 sales 話我知白鍂比 18K 軟, 所以鑲石的款式一般都會用 18K, 因為白鍂軟會好容易甩石!! 聽完個 sales 咁樣講, touchwood... 我都好擔心我對婚戒會唔會甩石... 不過我都已經買左啦, 唯有自己戴得小心 D 啦!!