囍帖

今日勁累! 尋晚已經好夜先瞓, 今朝仲一早走左去銅鑼灣做 facial (註: 我係住沙田的)!! 其實我係因為要去 CWB 間帝廷酒家跟進做帖 & 簽名布的事, 所以先走到去 CWB 做 facial。

我係在灣仔合和中心果間帝廷皇宮擺酒的, 不過因為仲未裝修好, 所以暫時係 CWB 果間帝廷酒家跟進我張單。 Book 酒席時, 酒樓已經講明請帖係包埋俾我地的, 我同小紀都覺得她們 D 帖多款得黎又唔差, 所以都打算用她們果 D, 唔會出去出面整了。 其實我同小紀一早就睇中左呢款:

不過個經理話暫時斷貨, 最快都要到 9 月尾先有貨, 問我地介唔介意等, 仲問我地會唔會揀定另一款 in case 用黎做 replacement。 我同小紀都一致話 "唔會", 因為就淨係想用上面果款中式帖! 其實等到 9 月尾都無問題, 因為農曆 7 月都唔會派帖架啦! 不過就真係希望 9 月尾時會有貨啦 !!  因為我同小記真係好鍾意呢款帖架, 我地仲刻意揀左張芝柏中式婚紗相放落呢張帖入面!!

跟住就係搞簽名布, 因為酒樓送的簽名布款式多﹑又靚﹑又大張, 所以我從來無打算用 Mona Lisa 和芝柏的簽名布 (Mona Lisa 果張已經轉左做一張 4" x 5" 相, 但芝柏就點都唔肯俾我轉做其他野)。 我地其實都一早揀定好用邊款簽名布, 不過當我俾張芝柏西式相個經理時, 她話唔係好適合放落我地張簽明布度 (有好多原因, 不能盡錄), 我地研究完一輪都覺得她講得幾岩, 所以依家張簽名布 hold 住先, 我地等 10 月初收埋 Mona Lisa D 婚紗相後先再睇下有邊張岩的!

本來仲要搞埋放在門口燈箱果張 poster 的, 但因為我想用 Mona Lisa 既相 (再加少少 D designs) 黎做張 poster, 所以會到 10 月初收到 D 相時先再搞!

其實除左搞請帖 & 簽名布外, 我地同個經理仲傾左好多野, 我對她的感覺好好, 覺得她真係做野/跟野的, 我對皇上皇越來越有信心, 我希望他們唔會令我跌眼鏡!! 不過今日得知合和中心間帝廷皇宮會 delay 到 18/9 先開張 (但我同小紀估係 19/9 先開, 因為 18/9 仲係農曆 7 月), 個經理話會同 TST 的皇室婚宴的裝修差唔多! 如果係咁, 我覺得都靚的, 不過就驚 D backdrop & 佈置會娘囉... 我其實好鍾意他們 TST 中港城間皇潮匯的佈置, 感覺好清雅!! 真係好希望灣仔合和中心間帝廷皇宮都係咁樣的佈置!!