Slide Show By Be True

我婚禮當日的攝錄公司係 "Be True", 即係幫 Mona Lisa/法國婚紗/My Dream Wedding 拍 MV 既果間公司。 其實 Be True 唔係平, 但當初睇過好多間公司都唔岩心水, 就係唯獨 Be True/Wish Stylish Photography 既 style 係我杯茶!

金都果 D 我更加唔會考慮, 因為見過 esdlife D 人講既慘況真係嚇死人! 我好印象深刻睇過有個 case 係對新人婚宴過後收到大婚當日的攝錄片段 & 相, 發現竟然係收錄晒個錄影師的電話對話!!! 而 D 相又影得好差!! 我覺得個對新人真係好慘, 因為無可能重頭擺過一次酒補拍 D 相 & 錄影... 所以我寧願花多少少錢 join 間有信譽 D 既, 因為呢樣野真係一生人一次! 唔同影婚紗相, 影得唔好可以重拍/影過第 2 間!!

講返 Be True, 我係經 Mona Lisa join 的。 當初 join 時都上過去 Be True 同 D 職員傾過下 & 看下 D samples, 果時都已經覺得她們好好, 問她們野都會俾到好 helpful & make sense 的意見我。 不過果時我連婚紗相都未影, 所以自此之後就無再聯絡, 但婚紗展時落去她們個 booth 度她們都會認得我同小紀的! 而她們都會主動跟進返 D 野, 最近她們就打電話黎叫我地交相做 slide show 啦!

其實我一直都無理會過我放落 slide show D 相, 叫左阿媽拎返晒 D 細路仔相出來但自己又無去睇 , 頂多都係花時間去諗用咩歌放落個 slide show 度! 我地約左 Be True 尋日去交 D 相俾她們, 我都係前一兩晚先花時間去篩選 D 相咋, 哈哈! 我地個 slide show 係包 50 張相, 當初我覺得我地唔會揀到 50 張咁多, 30 張都夠晒數啦! 點知最後係我有好多張相都想放落個 slide show 度, 唔知點取捨... , 結果我地尋日上去 Be True 度交相時都同她們研究一下, 她們都俾左好多唔錯的 ideas 俾我地, 最後我地個 slide show 係:

   我的成長照 - 15 張
   小紀的成長照 - 15 張
   拍拖照 - 8 張
   婚紗照 - 12 張

其實我好期待個 slide show, 因為我揀左好多好搞笑的相放落去!! 有 D 相係搞笑得黎都影得幾樣衰架, 不過我唔想個 slide show 做得太 standard & 行貨, 我希望 D 賓客睇果時係開心的, 所以樣衰 D 都唔緊要, 最重要係大家睇得開心﹑一齊笑, 我相信咁樣係可以帶出一個好好的氣氛的! 我仲 add 左幾張搞笑的芝柏中式婚紗相落個 slide show 度 (下篇 blog 會 post, 但只有 blog 友先睇到)~ 連 Be True D 人見到都係咁笑!! 她們話覺得個 slide show 做完出來應該會好好笑~ 呢 D 正正係我想要既野!!

不過 D 婚紗相仲未俾齊 Be True 的, 因為 Mona Lisa D 相要到 10 月初先有, 我同小紀都好希望放多 D Mona Lisa 的婚紗相落個 slide show 度~ 大師傅 Anson 影得咁靚點可以唔播放出黎俾賓客睇呢?!

真係好期待個 slide show 快 D 面世丫!!