期待我的婚宴場地の誕生

最近... 我的婚前恐懼症又發作!! 無錯, 我已經唔係第一次架喇!! 我隔一兩個月又唔知發咩神經擔心呢樣擔心果樣... 搞到小紀好煩... 小紀, 真係好對唔住喔... /_\

我最近呢幾日又忽然好擔心 D 賓客唔黎飲, D 圍數坐唔晒 (我 book 了 28 圍, 只能有 1 圍存菜於 3 個月內享用)... 又極度擔心我婚宴當晚的食物好難食, 會被人講足一世...!! 所以今日去婚紗展時又走左去皇上皇的 booth 度同 D 經理傾下偈... 我同小紀去度個 booth, 基本上有 D 職員都認得我地! 哈哈, 梗係啦, 我地一有 D 咩意見就會走落去揾反映架, 我相信我同小紀都出晒名...... "煩" 架喇!! 嘩哈哈!!

我去到 booth 時, 見唔到被我煩開的謝生, 他們找來了另一位經理同我地傾, 呢位經理將會駐守灣仔合和中心新開的帝廷皇宮。 我真係好認真咁同他講我好擔心食物的質素, 因為唔只網上 D 人話差, 連我其中一位阿姨去過飲茶都話 D 野唔係幾好食... 個經理都好坦白答我話他們都知有呢 D 問題, 所以黎近裝修完後就會改用另一班班底, 會從其他分店調一批 top 的過黎做, 因為他們打算呢間帝廷皇宮會走酒店路線, 所以會好注重食物質素 & service! 我知呢 D 都只係他的遍面之詞, 但我真係 feel 到他們係有認真了解 & 檢討過他們舊店的問題, 盡力去改善的, 並唔係同我吹水齋 talk!! 當然, 我唔祈求 D 食物好食到令人讚不絕口, 我只希望唔會難食到令人嘔嗟!! 我唔想被 D 八婆講足一世呀...!! 而且人地俾錢黎飲, 我都唔好意思要人地食 D 難食的野啦...

同個經理傾完, 他都俾到一定信心我! 而原來呢間酒樓將會在 9 月 7 日開店, 因為他們第一單婚宴將會是在 10/9 舉行!! 計落... 即係大概仲有兩個星期就開喇喎!! 我真係好緊張丫!! 唔知我的婚宴場地會係點既樣...?! 其實連我爸媽都知道我最近因為擔心酒樓的食物 & 服務質素而弄的很不開心 & 很大壓力, 我爸爸尤其擔心我... 真係好對唔住他們喔... 因為我的婚前恐懼症而令他們擔心我... /_\

我地決定等間酒樓開店後, 就上去睇下個場 & 試下 D 野食... 都係果句, 我唔需要好食到讚不絕口, 但求入到口唔會有 "難食" 的感覺就可以了!!