24個月大

2歲喇~~踏入2歲既瑤瑤, 講野能力已經好叻叻喇!! 識得唱哂成首生日歌, 月光光, ABC Song~~問佢野識得答你, 越講得多野, 就越多要求, 要咁樣唔要咁樣~~完全唔可以迫佢食飯, 迫佢做佢唔鐘意既野!!!

行路方面已經穩到不能再穩, 仲跑得好快添!!! 上落樓梯都唔係問題, 有時可以唔駛扶, 但唔扶住就我地睇到就驚囉!!!

2歲既瑤瑤都係介乎22-24磅, 86-87cm高!!! 食飯方面好左好多, 肯食哂成碗飯, d奶亦都無再開稀, 塊面仔脹返唔小! 但便便都唔係好暢通, 可能飲水方面真係比較小!!!

仍然要成日抱, 都無係好全程自己行, 尤其是都係鐘意行去邊就行去邊, 唔聽你支笛, 有時趕時間, 真係陪唔到佢呢d行, 個到行~~所以都係要抱住佢行!!!

認字方面就麻麻地, 因為我地無乜點玩flash card, 1 ~ 10 的數字係識數, 但就未認到邊個打邊個! 26個英文字都係識唱, 認唔到ABC!!

認人就ok, 好認得! 記性都好好, 去過邊, 做過d乜, 同咩人去, 全部都記得!!

講野已經好叻, 有9成以上都表達到同我地都聽得明~~~不過係成日掉轉d野講~~我地講拎唔到, 佢會講唔拎到, 唔開到, 唔整到!! 將d詞語講哂出黎當句子! 嫲嫲呀~公園~~sir~~~(同嫲嫲去左公園sir滑梯), 得意到不得了!!

奶粉一直食緊明治細仔~無再開稀d奶粉~~食飯亦都食返~~面仔脹返小小!!!

是日精選~

生日會主角有麥當奴叔叔筆筒~勁鐘意!

個公仔仲可以拎出黎添!!

又攬下啦~~

瑤瑤都幾女仔, 鐘意玩下煮飯仔, 湊bb咁!!! 佢當隻公仔係人咁同佢玩!!!

好奇心仍然超重~~咩都要睇下!!

咩都要拆開望下!!

2歲喇~~應該可以玩Wii喇~~試下!!

瑤瑤唔知咩黎?

都係試下碌保齡同打網球先啦!!

碌~~第一次玩~~都幾開心!! 其實Wii都可以訓練手眼協調架!! 不過瑤瑤都係5分鐘熱度, 一陣就唔玩lu!!

爸爸媽媽給瑤瑤的話 :

來年將開始返學生涯, 爸媽既安排, 都係為著對世界充滿好奇既你, 多d野學, 為自己學識左野而自豪!! 爸媽並不是要你成為天才, 只覺得一日時間太多, 爸媽都要返工, 幼兒班應該會教一d我地唔識教你既野, 所以安排半日班給你打發時間, 學學與人相處, 慢慢習慣幼稚園既生活!! 多謝爺爺嫲嫲公公婆婆姑姐無時無刻既照顧, 令瑤瑤生活開心, 愉快, 成長亦都理想!

希望瑤瑤你繼續有個開心快樂既童年啦!!