流感? H1N1?

尋晚凌晨執好個書櫃比瑤瑤~~今朝訓醒~~~個喉嚨超痛..............

我條team已經有3個同事病左, 一路希望唔好傳到我啦~~~尋日臨走, 已經有個同事話今日sick leave, 唔返, 我探下熱, 又無燒喎!! 都要照出expo啦!!

同爸爸食左早餐, 就上車出灣仔啦!! 係灣仔一落車, 已經feel到周身骨痛, 行步路都吃力, 心知不妙.

12點開始expo, 12:30已經完全唔掂啦~~~成程坐......已經好左一個同事, 另外d同事又要輪住食飯, 我等佢地都食哂飯, 2點幾開始沾寒沾凍, 又feel到開始發燒, 要閃喇!!!

約左婆婆放工返去食飯湊瑤瑤, 打比婆婆, 話我唔舒服, 早左收工, 問下佢屋企有無藥啦~~搭船過尖沙咀轉的士啦!!! 收左線轉頭婆婆又打黎, 問我有無燒, 我話應該有呀, 個頭就黎燒到爆, 又酷熱天氣警告, 周身又骨痛, 真係無咩力行喇!!

婆婆話 : 有燒就去睇左醫生先好上去啦~~唔係傳染瑤瑤就唔好啦!!

我 : 咁我去法國醫院門診睇啦!! (因為星期日下晝, 都無咩醫生開啦!)

收線轉頭婆婆又打黎, 你發燒, 去法國醫院未必收你架喎~~~去政府流感診所睇啦!! 個度先有特敏福派!

於是乎我就去左九龍醫院門診部睇喇!!!

去到, 個個著哂保護衣啦, 係紅色, 緊急戒別!

門口叔叔問 : 咩事架?

我 : 發燒黎睇架!

叔叔 : (比洗手液我), 咁入面登記啦!

姑娘 : 身份證

我比身份證姑娘時另一個幫我探熱

姑娘 : 38.9喎 (等如102度啦!) (唔怪得個頭好似火燒咁, 又酷熱天氣警告, 真係差d就暈啦!) (繼續問), 有無離開香港? 有無同豬流感病人接觸?

我 : 無喎

姑娘 : 咁買飛等見醫生啦!

買完飛再入入面, 一個人都無, 幾好喎, 咁好快有得睇!

等一陣, 有個病人出黎, 等多1分鐘, 就到我喇!

醫生 : 有無流鼻水, 咳?

我 : 無呀, 淨係喉嚨痛, 周身骨痛

醫生 : 咁睇你個病情都好輕之喎!

我 : 咁係咪豬流感呀?

醫生 : 其實而家係咪豬流感都唔重要, 佢已經變成一種普通流感, 你有無長期病丫?

我 : 甲狀腺囉

醫生 : 係邊度睇呀?

我 : 係政府架, 馬鞍山健康院

醫生 : (按下個電腦), 係喎! 但你而家都係好輕微姐! 你駛唔駛驗下丫?

我 : 都想驗架, 屋企人叫我黎呢度睇都係想我驗下囉! 同埋我屋企有個歲半既女, 我驚傳染佢!

醫生 : 咁唔關事, 係咪豬流感, 普通感冒你都要做足禦防措施唔傳染比個女架啦! 但我覺得你好輕微, 唔駛驗啦!

我 : 其實驗係點驗架? 同埋幾時知結果?

醫生 : 都要2日先知架, 係個鼻同口抽d分泌去驗囉, 有可能抽損, 流血架!! 同埋2日先知, 可能你都好返啦!!

我 : 但我都係想驗喎

醫生 : 我真係覺得你係輕微, 就算係豬流感, 食左藥都會好返既!!

我 : ..............如果醫生你覺得我唔駛驗, 咁我唔驗囉!!

醫生 : 咁我開d退燒藥, 喉糖, 收鼻水同咳水比你啦!

我 : 如果食藥都唔好, 再嚴重會點架?

醫生 : 你食左藥都唔好就再返黎睇啦!! (比張藥單你去拎藥) 我開3日假比你, 好好係屋企抖下啦!!

我 : 哦, 唔該醫生

去拎藥又係無人, 超快咁睇完! 但d藥就好流下, 完全無消炎藥, 唉, 都唔知得唔得!! 返左屋企先算啦!!!

睇完嗱嗱聲飛的返屋企食藥, 上床訓!!! 瑤瑤就等公公湊返黎喇!!

咁我都無鼻水同咳, 所以淨係食退燒同喉糖!!! 但食完個喉嚨都仲係痛......睇黎聽朝都係樓下私家睇多次啦!!!