長隆之旅 -- 上房喇!

過返大堂, 拎左房鎖匙, 但得2間房執好房咋, 上住去休息先啦!! 佢都比哂其他房鎖匙我地, 上左房可以再打過去問執好未!! 放低行李, 我同十五媽就拎住鎖匙去超下執好房未啦!! 連埋十五媽屋企人, 我地總共book左7間房, 有2間執好, 只要多2間, 就夠我地4個家庭既bbs食支奶訓個晏覺先啦!! 因為今晚馬戲7:30開始, 睇2個鐘, 之後先去食飯!! 所以要訓一覺先喇!! 唔係頂唔到今晚11點喇!!

同十五媽搵到有多2間執好左喇!! gogogo喇!!

我地住5422, 房間號碼挑哂花, 好靚架!!

一入房瑤瑤已經急不及待上床等飲奶喇!!

媽媽即刻去煲水先啦!! 爸爸就影影影, 影下間靚房先啦!!

套用具都好靚架!!!

廁所係趟門黎架~~

係企缸, 度門趟過去就關左廁所喇!!!

瑤瑤好興奮咁上上落落啦!!

張床都幾高架, 都上到!!

真係無時停架!!

不停講開燈~~

熄燈~~講好多野!!

好喇, d水煲好喇~~訓好飲支奶先啦!!

個陣時3點幾, 諗住飲支奶訓一陣, 4點幾5點去泳池游轉水先啦!! 點知飲完奶瑤瑤唔訓, 係咁行黎行去, 十五媽又打黎話要去拎左馬戲入場卷先, 咁爸爸就落去拎喇!! 等到爸爸返黎, 先攬實瑤瑤, 一攬就訓左喇!!! 本來約左bbs訓到4點幾5點起行去游水, 游到6點上房沖身, 6:45出發去睇馬戲, 結果個個bbs都唔係即刻訓, 個個訓到5點幾, 見佢地未起身, 諗住同瑤瑤去酒店周圍影下相啦!! 十五媽打黎, 酒店有張飲品coupon送左杯野飲比我地, 咁我地就gogogo, 去飲杯野等夠鐘出發睇馬戲啦!!

臨出發前, 紥返條辮仔先啦!!