陷阱一 ~~ Thomas火車

因為媽媽今日又要覆甲狀腺~~所以請左假, 但瑤瑤又出左婆婆到, 所以媽媽努力咁update個blog呢!!! 到5點幾差唔多出門口去婆婆到食埋晚飯先走啦!!

今晚姨公姨婆都有黎呀~~反而爸爸又要搞公司個project到9點幾先收工呢!!! 所以我地食完飯就由姨公車我地返屋企喇!! 返到屋企爸爸都返到黎喇!!!

早排柏謙媽邀請左我地一家去柏謙黎緊919既兩歲生日會啦~~所以媽媽就問定Sa姨要送咩比柏柏做生日禮物, 尋日收到電話, 柏柏呢期超愛Thomas, 咁岩一田做緊減價, 問我送Thomas好唔好~~我話梗係好啦~~最緊要柏柏鐘意玩!! 咁岩佢又有楂車, 所以佢即時買埋返屋企玩喇!! 我聽佢講減價咁抵, 又話柏柏超鐘意, 屋企有架唔完整既Kitty火車又勁鐘意, 一於叫Sa姨幫手抬多一盒比瑤瑤啦!!! Sa姨仲好好咁即時車出去公司放低比爸爸!!! 尋晚去中環食飯, 無拎到返屋企, 同埋瑤瑤都唔係屋企, 今晚先拎返黎啦!!!

就係呢盒喇!!!

都要一段時間先砌好~~~

瑤瑤都好好奇~~同埋我地出入都會經隧道, 所以買左呢副有隧道既比佢啦!!!

但d車仔係回力車, 要手拉先郁~~~即係要買返d電動既先得喇!!! 其實有好多副, 同埋有幾副既話, 可以砌埋一齊添架!!! 即係呢個只係開頭, 如果真係好like, 可能有排買呢!!!

可能女仔啦, 無柏柏咁可以玩兩個鐘, 玩一陣又無興趣喇!!!

尋晚媽媽買既kitty帽, 帶黎影下相先啦!!!

似個棒球小子嗎?

媽媽好耐都未幫小狼梳毛, 有個筒裝住兩把梳同支眼藥水, 我係到摺衫, 爸爸話佢來來回回拎出黎, 放返入去30次都有, 都未厭, 真搞笑!