黑妹

大半年前，還住在南丫島時，初黎暴到的黑妹。

非常瘦，甩皮甩骨，毛又少，又有皮膚病，搬返沙田發現生虱，仲傳染比小貓哥哥。

依家，又肥又大隻(個頭大左好多!!!!!)，D毛又滑，由不討好的煤炭屎變成黑美人了~~~(有時睇佢隻耳仔好似隻角咁~~~)

又貪玩又貪吃，會自己搵玩具(拆晒我衫上的毛毛球.....)。
咩咩聲咁叫，真係唔知佢係咩貓黎KA~

依家最開心的是隻臭八會扭人摸，摸佢就咕嚕嚕，比野食的時候咕得仲大聲.....係唔鍾意比人抱...

好乖巧，唔怕人唔理人，唔出口唔出手，小貓就惡爺咁款......

依家黑妹勁ar~會出手打返小貓啦~哈哈哈~有來有往丫ma~~~

好想比佢前主人知道，黑妹真是活得比你好，到今日我都好慶幸我地決定收養了黑妹，唔係佢都唔知會比人虐待幾耐。
當日把口講到幾咁唔捨得佢、對佢有幾好咁，實際上冇理佢冇比關愛佢，黑妹可以走得甩真係上天的眷顧了~~~

前主人：黑妹不是波斯貓，她是土耳其安哥拉，品種對貓而言雖然不重要，但5年的時間你都冇好好了解佢、愛錫佢，為了妹妹而心酸~