自家制翻版東x堂芒果流心蛋糕

哈哈~之前提過整左個流心芒果蛋糕既, 前日終於都試食左喇~好成功呀! 由於嫂子大緊肚, 所以佢暫時無緣試食, 不過我都比左d美式曲奇嫂子, 等佢係公司阿b肚餓個陣可以食同埋安慰下佢個胃先啦, 哈哈哈哈哈.....

好喇, 講番呢個蛋糕先, 點解我會整呢, 事緣之前係屋企樓下商場行街, 見到東x堂出左個流心芒果蛋糕喎, 見到佢張相個心真係有d芒果漿流出黎, 本身真係好想買黎缽下架, 但係見到佢售價成$148喎, 即刻却步啦...........咁諗諗下,  不如自己整啦, 之前美x個個天使蛋糕我都整到啦, 雖然我唔識"文"cream, 但係做出黎味道都有8,9成似, 咁呢個都應該做到既, 於是就試左整喇, 但係都唔係話一次整就成功架, 由於屋企冇半球模, 咁就用左個普遍暮絲模做, 點知......我包個低個事出左問題又唔知, 整好倒晒d暮絲漿囉去, 放入個雪櫃, 過左一陣....一打開個雪櫃就見到個蛋糕下陷左, 好彩我不留都會搵個盤擺底者, 唔係d漿就漏晒係個雪櫃喇!  最最最敝係我之前諗住整呢個蛋糕比男友媽媽母親節食架麻, 點知衰左, 所以最後咩都冇得比佢喇!但係我唔氣餒架, 所以整過! 哈哈.....咁就比我成功左喇! 哥哥試食過都話好味, 但我呢就覺得唔夠芒果既香味, 下次要買d靚d既芒果先得喇~男友就唔鍾意食個海棉蛋糕底喎, 下次試下用消化餅底先!

不過呢..我真係要去學下餅面裝飾先得喇, 呢樣我真係好弱! 不過今次咁成功, 我好開心!

睇下個餅面......我自己都覺得真係冇咩創意...

嘩嘩嘩....你睇下, 個流心幾流心...哈哈哈哈....好正呀!