香薰園 (Lavender Garden) @粉領 - 20/Mar/09

呢個係入口~

好多薰衣草呀~好香, 好靚

門口個度有好多隻羊羊呀~仲有d係BB羊tim, 好得意, 可以買d飼料餵佢地架

仲有個靈龜池! 可以買d飼料餵佢地架

哈哈~~~呢排唔駛番工, 佢又咁有興致提議去香薰園, 咁我地就係20號去囉, 又係閒日, 所以又係冇咩人既, 去到既時候....嘩.....成個園冇人既? 但行行下, 就見到有1x人(包括大人細路) 係度BBQ! 哈~都好, 叫做有d人!

其實呢個香薰園我係早幾個月想去既, 見到有朋友帶過佢地既狗狗去個度玩, 所以個時就想帶埋兩個寶貝仔女去玩下, 但上到去佢個網一睇. 咦?! 唔帶得狗喎, 所以個日我地都冇帶佢兩個去, 但點知入到去, 見到佢地有d牌, 寫住"狗隻必需帶狗帶" 之類既字。原來可以帶狗狗架喎......

唉~本身諗住揸車既, 點知.....去停車場, 搵唔到架車, 原來佢爸爸揸左架車走, 咁我地個日既路程就好長喇, 先由屯門去深井, 再去番荃灣搭車去火炭, 再搭火車去粉領, 去到粉領仲要搭小巴先去到.......真係辛苦死!

其實個度唔係話好大, 但係我地去到個薰衣草田既時候, 真係覺得好靚, 我地係個度都影左好多相, 最搞笑係佢見到個薰衣草田, 第一時間走入去話想影相, 咁我就準備相機啦, 點知佢係咁叫我影快d, 我以為佢做咩啦, 原來入面有好多小昆蟲係度飛黎飛去, 係佢耳邊有d "dee dee"聲, 所以張相影左出黎好搞笑, 佢個樣好似好驚咁, 但後面個薰衣草景好靚...哈哈

影完薰衣草, 我地就行到有個池, 有好多龜龜&魚魚既, 我諗佢地真係習慣有人餵佢地食野, 我地兩個一行埋去, d 龜龜&魚魚就即時游晒埋黎, 咁我地就去左買飼料餵下佢地囉! 嘩~一掉d飼料落去, 原來仲有好多"唐失"魚 (哈哈, 唔識打), 佢地個口勁大架~一口就食晒d糧, 一d都冇留番比d龜龜呀.....咁我就好努力咁掉比龜龜食.......

其實我諗如果約埋成班人一齊去BBQ下都會幾開心....下次有機會就帶埋兩個小朋友一齊去啦~哈哈