DIY Farewell Card

我其中一個老板七月一日就會轉去第二個部門啦，咁多個老板當中，佢係最做得野的一個，要有能力，又知道自己做緊咩的老板，起我公司已經好難揾到啦。自問佢對我都真係唔錯，係一個有品的大善人。小耳朵今日就好比心機咁製作緊一張farewell咭送比佢，因為欠些少資源，要聽日返公司完成埋佢～

呢張係手稿，只係初部構圖，班同事Ｄ頭係求其放入去試位。

呢幅係用黑筆釣左基本線條，仲未上色，Ｄ頭都係是但放起上面

呢幅係初步完成圖，上好顏色，Ｄ頭都貼好晒。

但係整整下先發覺原來我差左Ｄ同事頭，人事部仲有兩個女仔，
另外FINCON姐姐，一個水底人，一個大聲公 ，同埋三個Comm Bank，
我只係預多左一男二女身體，但係總共要多三男五女喎，唔夠添！
唉！快Ｄ手加多 兩男三女身體上去先得。

下面Ｄ空位就要加字。例如：You are the best!之類囉。

喟喟喟！加左幾個身體啦，聽日貼埋Ｄ頭，放埋入相架就OK啦。(^_^)

為左方便聽日帶返公司，我先將佢放左入 A3 鏡架啦。

好野，應該趕得切送比佢啦，希望佢鍾意啦～

今朝帶返工諗住貼埋Ｄ頭落去，點知數數下又要再加人，
以上呢一幅就係 latest version，好熱鬧呀！

聽日就係 farewell 大日子，要送比老細啦，好緊張呀！