最近很多事情都很順利，特別是感情及工作，講工作先啦，閃閃個幾月前辭職之後，去左幾間公司Interview，但都冇乜結果同回音，開始好擔心，怕搵唔到野做，經濟壓力好大，但實在唔想再留係MSL，所以係杭州既西湖邊下定決心離職既時候，同男朋友講，男朋友沒有反對，更加鼓勵閃閃，於是閃閃就返香港遞辭職信啦！
呢個月好忙咁清手頭上既工作，一方面唔係咁想做，但另一方面又唔想掉低太多野比下一手，但越黎越迫近，都要Hand over左一堆野比下手，不過我都好擔心下手做唔做得黎，因為Hand over既呢兩日，細問之下，佢好多野都唔識的，我以為Katy會請一個乜都識既女仔返黎......佢人工仲要高過我架麻....
點都好啦！22號我就正式離開左MSL，展開我既新生活啦！
23號我就去左銅鑼灣2nd in，去之前嘉嘉都有問我有冇信心，我都有話佢知我有信心架！信心一定要有架麻！
瞓醒執好野就出門口，二點七左右就上到去，一去到個Supervisor 就比左兩張Time Sheet 我計！因為係張Fax過黎，d 字唔係咁清楚，所以做完我都問清楚佢( 唔想因為錯少少冇左份工耶 ) ，跟住佢問返我之前做既野同埋請呢個位係做d 乜野，其實我最主要既職責係計糧，大約四五百人既Head count，我係replace 而家既Payroll Assistant ，但我個Position係HR Assistant (因為我1st In個時，個hr manager 話第日接手左d 野之後，會可能掂埋其他既野) 所以我唔係叫Payroll Assistant 而叫HR Assistant ，四五百人既Payroll 對我黎講係一個新挑戰，由其係因為公司係outsourcing 既公司，好多唔同公司既Payroll，又有好多唔同既計法，絕對係新挑戰喲！！
明天就返工啦，我好緊張呀，暫時我冇位坐，因為Payroll Assistant 仲有兩個月先走，我有兩個月時間同佢Hand Over！
唔知新公司d 同事點呢，舊公司d 同事都好nice，希望個個都好nice啦！
返五日工咋，同男朋友一樣，第日可以同佢講Happy Friday la ! haha~~~~
我新工作係銅鑼灣區！巧開心喲，嘉嘉我可以同你食Lunch啦！唔知可唔可以去搵男朋友食Lunch呢！＾ｏ＾
感情呢，我都好想寫下，因為臨近五月尾，我ｄ驚青既性格又走出黎，我男朋友應該會覺得好辛苦，但係...我真係控制唔到我自己咁諗！
真係好對唔住，今日係度諗返佢尋日講過既說話，我都好憎自己點解會咁唔信任佢，嘉嘉話因為我同佢情況特別，所以都唔奇！
今日佢同媽媽返左大陸，一連四日，拍拖以來第一次連續四日連電話都冇得講... 要知平時傾到電話費都爆埋，男朋友特登開張咭同我講電話！
今日係度諗返拍拖既野，又自己係諗傻笑！haha！真係好開心，拍咁多次拖最開心係呢次！
開心度我成日都會同嘉嘉講d好無聊但又好真既說話！每個時期，我地都有唔同要愛既人，但今次大家都各自搵到個特別特別愛既人！
男朋友好愛鍚我，又好照顧我，身兼多職！而家佢係除左我屋企人以外，最最最重要既人，可能因為咁，我先咁驚青，因為怕冇左！
所以希望佢唔好怪我呢幾日對佢單單打打咁... 唉... 了解我就知... 其實因為我著緊同在意先會係咁....
識左佢咁耐，我都相信佢同了解佢既為人，而且佢講過野，一定係做到先會應承我的！
呢幾日我要好好照顧自己，小心飲食，唔可以佢返黎既時候我又病左...做左個又唔乖又冇用既女朋友！
嘻嘻
希望所有野都順順利利啦！！！
下個月嘉嘉生日啦，男朋友媽媽又生日，然後到我生日.. 好多生日呀..好多cake 食唷！
我得閒到開始諗出年男朋友生日送乜野比佢好！haha~~~~~~~~~~~~~~~~~~
另外Portia 返左黎啦，好期待我地四個人既HR Dept聚會呀！！
暫時係閃閃短短既人生中，最開心就係今年，希望之後一路都可以開開心心咁！！
Primeval_-_intro.jpg
Dora01.JPG
3_start_01.jpg
▒閃閃☆公主小藍 -Little Blue▒ 2007-05-27 23:35
一舊雲 2007-05-26 01:00
都話唔開心嘅嘢過咗，好嘅就會嚟架啦，哈哈，冇呃你架！
''昔 2007-05-24 19:05