好客香港

今日放工，約左朋友舊同事仔係尖沙咀食Pizza，係金巴利道join埋felix 一齊行過去個時，有個外國人叫住我問路！個地址係5/F, Lamma Tower, 12A Hau Fook Street.，Hau Fook Street咪係許留山個條厚福街，咁felix 見我停左行返過黎，我話，佢要去厚福街，咁我大約話佢知之後，felix 就同返個外國人講啦！

點知我地跟住佢後面，見佢一路直行左，咁我地快步左少少諗住追上去同佢講佢講行錯啦，點知，行行下唔見左人，原來佢行左入佐記問sales.. 我見再行前少少有轉彎位入厚福街，但felix 問我：你sure 唔sure 架.？我又啞左喎..我唔sure.. 但好似係麻，咁felix 行轉左入去睇啦！呢個時候我見個外國人仲未行出黎，咁又問下轉角個哥仔個條係咪厚福街，哥仔話係！咁我就行左入佐記，見到兩個sales 都仲未知個外國人想去邊.... 咁行埋佢同佢講話我知厚福街係邊，話帶佢去啦！跟住佢就同佐記既人thank you左之後同我行左出門口，我就帶佢去厚福街啦！felix 呢個時候都行返轉頭，一齊話比個外國人聽係邊啦！

艾也，我都話我要讀英文架啦！我唔係咁聽得明佢講乜呀！

佢講左句應該係法文既野，我估多謝掛！不過佢話我好nice 個d 我都聽得明既(比人讚既全部都明的！haha)仲問我同felix 叫乜野名！又握住我隻手係咁讚我！佢隻手都好warm下喎~~~~~~

不過好在feilx 係度咋，如果唔係都未必會講到比佢知係邊！

每次比人問完路呢..我都好想去讀好d 英文！睇黎我都要認真d 去讀下先得！