Day 4 (26 Oct 09) ~ 東巴萬神園

亦都係幾分鐘o既車程，差唔多2:00pm，就由玉水寨o黎到東巴萬神園

其實東巴萬神園同東巴王國非常似哩！要去的話，其實是但參觀一個都夠，不過我o地買o左套票，而且又有時間，入去睇o下又無乜所謂o既。

呢o度又係可以望到玉龍雪山

又係有一條雕滿鬼神o既路，唔同o既係呢條路係彩色o既

返到o黎睇番先知，原來呢個叫“神路圖”， o係超度亡靈o既儀式中用o既。

同東巴王國一樣，路兩旁o既草地上，插o左D木牌

而且仲有好多木公仔

旗上面o既東巴文，唔知係乜o野意思?

黃色呢幅牆，叫創世紀經書，係用東巴文雕刻而成，講述天地形成、萬物生長、人類起源、創世立業、繁衍後代o既歷程。

東巴靈洞，裡面係祭祀o既場所。但係鎖o左，唔入得去o既

呢D都應該係祭祀用o既

風吹D風聆聲，好好聽呀！

至尊三聖神

呢個叫o麻呢堆，好似內蒙o既敖包呀！

玉龍雪山無乜雪哩！

好似東巴王國o甘，有條民族村

離開民族村，落番山，一路上又見到好多木公仔雕刻

呢個叫白蛋

水池o既水好清喎！

半個鐘多D，2:30pm離開東巴萬神園嘞！

我o地打算第二日包車去玉龍雪山，見的士姨姨o甘好人，於是決定包多佢一日車，傾好價錢RMB200，8:00am-5:00pm。

的士姨姨為免我o地第二日去玉龍雪山要浪費時間排隊買索道門票，於是載o左我o地去玉龍雪山索道售票中心，諗住可以買定飛，慳番D時間，點知售票中心話無得預售喎！無得預售，o甘個中心開o黎做乜鬼呀！第朝我o地都直接去玉龍雪山，駛鬼突登去呢o度買咩！