網誌分類：未分類 |
其實已經諗好西灣河落街系列第三及四個故仔，但遲遲未動筆。唔知點解，唔係好想再繼續係呢度寫嘢，一來個版面好醜，二來就係唔知點解。
．．．
各位，係經過X個月同Y次面試失敗之後，我終於搵到工啦！勁開心！同藝術文化有關係架，而且又係我好想入既商界[至於點解由NGO而想投入商界，又有排講勒]，希望自己生生性性，發揮下自己封塵已久既小宇宙。
其 實[又其實]個Y咁多次面試都好enjoy，即使失敗左。因為大部份都係十分十分想做既工作，咁樣一諗，我就覺得自己都算係咁，自己把握唔到機會，但都起 碼畀我見識下，亦印證自己仍然係「理想」主導。其中有幾份工，我諗，若果之後呢份工有乜事[大吉]，我都會再去apply。
我需要既，始 終係一份理想既工，唔係一份工。固執又好，唔識死都好，亦唔係清高，自己知道點樣、咩嘢最適合自己，梗係要去馬。[家陣過左海回頭望當然牙斬斬，好輕鬆 咁，之前熬底發神經呆滯抑鬱只有身邊既朋友知道，在此亦要向各好友致以十萬個多謝同抱抱～～黎～][警告你咪嘔呀！][又係咁，兩極，似乎個病都未好返 ～]
對於呢X個月，唔做我平時最愛做既回顧總結勒，淨係想好hard sell/開門見山/此地無銀/無私顯見私咁講，我知自己廿幾年衰乜嘢，亦都明白左d嘢。無論你識唔識我，愛我討厭我，我都理鬼你[選擇性地]，唔做大 玉，唔做小玉，做返秋玉。[好，至此已經有幾個睇到嘔泡勒]
我會記得石媽媽的一夕話 － 唔好再「see see縮縮」[好傳神呀我呢個寫法]，有能力就要承擔，有錯要認更要改，妄自菲薄某程度上係唔想負責既表現，家下我真係明白了。
寫寫下又開始長篇大論，講左唔回顧。
展望將來，又好似快得滯，等我諗好再同你講～
家陣希望搵緊工既朋友快d搵到好工，搵到工/有工既朋友就最好份工。
．．．
有人講過話我諗嘢「咁」勁，要搵個啱我又錫我既人真係唔易，呢句都係我心入面既擔憂，一來我真係唔覺得自己勁[咁er…]，二來，咁唔通叫自己唔好咁勁咩，咁即係真係咩啦！唔制呀！
諗返轉頭，都曾經有人愛錫我，突然間，都覺得幾溫暖幸福er。
都係打好份工先勒，幾個月冇畀家用啦！
又話唔寫又寫左咁多，自己都唔明白，難怪人地都唔明白er～
Chris 2007-07-26 21:25
至於任劍輝，少少自由行啦，我主要係想抒發下自己既憂慮啫，同我諗野勁可能係冇關既～～你見我咁既尊容再加咁既才學……多謝你畀成有25%機會咁樂觀囉～～
fontane 2007-07-26 15:52
斷章取義, 自由行, 任發揮. 勁過任劍輝. 錫你又唔一定啱你, 啱你又唔一定錫你; 你錫又唔一定啱你, 再加返啱你又錫你嘅, 坐底有 2 x 2 嘅機會率, 1/4 嘅成功機會。還好吧。
你搞咩有兩頭住家呢, 雖然本人好欣賞可以喺無咁多人嘅情況下留多一點空 gag <<然後發覺有好多人望住...