一週年澳門遊(上集)

八月八日，起身後就去食早歺

跟住馬上坐車去上環馬頭諗住搭船去馬交

點知無晒飛，要呆等２小時到十二點九先有位～～

唯有去ｓｔａｒｂｕｃｋ　到ｈｅａ～～

去到馬交，都兩點幾，決定先去酒店放下行李

住返ｓｏｆｉｔｅｌ(十六浦),唔知d房間點呢?

未夠三點都接受ｃｈｅｃｋｉｎ，服務一流

上到房, 好舒服呀, upgrade 海景房, 浴室好正~~爽

(shampoo係用L'OCCITANE...香呀）

放下行李開始去揾野食!

一去梗係去近近地先,就係豬豬介紹o既南屏雅敘厚蛋治!

可惜, 我地未叫蛋治已被佢o既蛋tart,沙翁吸引, 個沙翁同我地平時食的唔同,入面有d 蛋

到叫三文治時我話要蛋牛治,點知牛係鮮牛,唔係喊牛

但杯奶茶好怪,唔係我地平時飲開o個d

食到好飽,嘗試去下d旅遊景點~~

我地發覺澳門人好nice, 我地懶睇地圖,只係問人,d人好到帶埋你去!

我愛舊區d 懷舊氣色….

好浪漫～～行過戀愛巷

等無咁熱再去影相都幾好！！

上鏡好肥～

＊＊＊＊＊

外面實在太熱,唔夠一個鐘,成晒濕晒

唯有入義順涼冷氣飲杯凍野

D 紅豆好大粒! 但我飲唔晒,飽!!

咁熱最好就係賭!!!先去威尼斯人,

陳生一心要去揾曼聯, 十足小fans~~

去得又點會唔買野

波衫買一送一, 買了件俾契細佬

買完野終於去賭喇,好期待,

我地睇左好多張枱, 最後揀左玩大細

陳生一買就買個 "8" 字, 點知真係中左~~~第一舖就中個""8" 字, 真係好邪!!

最後離開威尼斯人都係拎錢走~~好開心!

完來賭係好攰的,差唔多夠鐘又回酒店

去嘆個package 送的buffet~~

我食buffet 完全唔抵, 好快飽

而陳生最鍾意食係茶歺廳, 所以今次食buffet 只係抱住"唔好蝕底o既心態"

點知有d喜出望外, 陳生食海鮮, 佢話都ok 新鮮~~d水果好甜

仲要係好多法式甜品!!! 我飽到試唔晒咁多款, 仲有六款雪糕我無食到!

唔講唔得，佢Ｄ湯好鬼正，個有機西蘭花忌廉湯，好好味

食ＢＵＦＦＥＴ，我一定唔會飲中湯，但今次見佢係粉葛湯，可以下火，去濕

即管試下，嘩，好得呀，我飲左２碗，對於我依Ｄ無飯煮婦，湯水好重要

(等續～～～～）