又病喇~~~

勁耐無update個blog喇!!估唔到要病咗喺屋企先有時間up下!!因為日文就快考試，要溫書，尋日溫咗成日，所以而家有時間寫下blog ru.....

自從星期六睇完戲，就開始唔舒服喇!!可能係冷親啦，搞到又喉嚨發炎，又勁鼻塞，塞到成晚無覺好瞓，加上星期日由朝溫書溫到黑，無咩抖，今朝仲嚴重咗，發埋燒，搞到返唔到工。我以前身體好好架，一年都未必病一次，但係而家好似好容易就病，唔通我真係年紀大咗，身子差咗......

本身聽日都攞咗半日假去睇皮膚醫生，不過因為怕d藥撞到錯晒，所以就今日去嗰度一次過睇埋，起碼唔駛食兩個唔同醫生嘅藥嘛~~約咗呢個醫生成個星期先有得睇，幾驚佢唔俾我改今日睇，不過走到中環就辛苦d囉~~

我係第一次睇呢個醫生架，叫史泰祖，我上網睇過，佢好似睇皮膚好出名。所以都幾貴，差唔多成千蚊睇一次，仲要係食燒炎藥，因為我唔想再俾我塊面d粒粒惡化，所以無辦法啦!!!佢仲話如果我食完今次d藥唔好，可以轉食一隻"roaccutane"，佢話食完可以"斷尾"架，以後都唔會有粒粒，不過就都幾多"副作用"囉!!但係我一聽到"斷尾"呢個字，就即刻話要試，點知佢話叫我返屋企上網check咗先，因為有副作用，要考慮清楚，點知我啱啱check過，又真係幾多副作用，仲要d副作用都幾恐怖，但係d人話食完個療程，d皮膚好完美wow，唉.......搞到我個心15,16，唔知試唔試好tim，鬼叫自己勁貪靚，所以明知有副作用都仲想試，我反而係怕食完d藥無料到咋，因為一食要食半年唔停得，仲起碼萬幾蚊，唉......好苦惱，唔知點好!!!!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

希望聽日好返啦!!聽日林林生日，仲book咗同佢去Mr.Steak食buffet(今次係去causeway bay嗰間，唔會再去wan chai喇)，但係我咁嘅狀態，野都唔想食，無理由生日都唔陪佢食飯架，所以我都係抖下先喇~~~食完返黎再話俾你地聽掂唔掂吖~~~