珍惜眼前人

唔經唔覺原來差不多有成三個月無update過個blog,唔可以再比自己咁懶惰呀~~~

呢三個月都發生咗唔少事情,有開心有傷心。講咗開心嘅先,就係我annaul dinner抽到獎呀~~~yeah yeah yeah,真要感恩耶。

至於唔開心嘅事，大老闆响annaul dinner開始前向所有同事宣佈，會計部同事mandy ho因為癌病而離開咗我哋──其實喺佢宣佈前大概一個星期我已經收到呢個消息，當時嘅反應係呆咗5秒。三個月前我仲同佢(mandy ho)傾過計，當時佢嘅精神都唔錯。我定過神之後有泡淚水想湧出嚟，不過喊唔出，好辛苦!!而當老闆宣讀完個消息後，我見到我姐姐哭了──我都係第一次見到我家姐眼淚汪汪。我就輕輕拍拍佢個膊頭，安慰番佢。响嗰一刻終於體會到原來死亡係可以咁近!!

有時好多嘢睇起嚟好似好遙遠，但其實就喺我哋身邊。「响度就唔緊，唔見先至搵」真係好多人(包括我)嘅寫照。希望各位能夠用最短嘅時間去完成最多"占士"(dreams)啦!!

PS:祝禱mandy ho返到天家快快樂樂咁生活，阿門。