Be myself

九月二日(星期三)。

心情，早上淡淡然的，下午四時許，刮起大風~ 極之乾燥~
小欣子以往文字也是文皺皺的~ 但..... 今天，按鈕不住心中的那團火！

   最恨被屈~ 你好cheap呀~

小欣子的職業是甚麼？中學文員是也~
每日做咩？文職是也 (影相美術設計沒有份兒)~
別的經常以為學校文員冇野做，
但...... 呢間學校唔等同出面的學校，都痴痴地~

暑假期間，已人手抄寫及檢視中四以上...... (以往係抄寫全校中一至中七，而家電腦化啦終於，真係化啦~)上、下學期考試分數上課日數全班排名優點缺點......
課外活動紀錄老師評語會考生成績，抄寫完畢。已人手將全校學生紀錄咭升班及留班(即係分班)，已備妥。

暑假期間，已準備新學年無聊到爆的東東西西南南北北中發白......

開學啦開學啦~ 學生嘩啦嘩啦儕嘩嘩~

新時代新人事新作風...... 由抄寫的年代逐步跳入電子化年代
(像與時並進高人一等好犀利好勁好正...... 咁款~)

奈何~ 今日下晏忙碌期間，被笑騎騎放毒蛇的Busy男(代號)，活捉入電腦IT房，
佢就係長期使用舊Programme超過廿年的的人類渣滓，在我面前解說新Programme。
一副語帶自我編寫，好proud of新programme(但其實唔係佢編寫ge)，但連自己click邊都唔知啱定錯ge人，一click...... 等...... (成分幾鐘啦喎！得未架？)
再click再run...... error...... 後尾find out話我提供的list係錯ge~

我頂你個肺慘爆你個胃！(但你有四個呀~ 唔怕~ 因為你唔係人！鼻哥loon會放大~)
個list係你provide 俾我，我淨係幫你update學生名單！我頂頂頂！
Busy男份人就係咁~
以前咁多屆學生都私自同我講：佢成日都係咁！上上下堂走左去~ 又成日屈人~

以往，我總發覺學生有點兒偏激；今天，我終親嚐那點火。

由佢燃點我心中怒火那刻開始，我終按鈕不住，
我一連串講：你淨係叫我update個學生名，24班，個list係你俾我ge，我係copy and paste，但個renamed sheet串錯字而令到個programme run唔倒唔關我事，連award list打錯成awrard list，咁低B我點會串錯！
心想：你食屎啦~ 屈我！
講完，走出IT房閂門，pang！

七、八月期間，一加一減的生命，腦裡囤積回憶，
新學年，休息過後，想，化為轉捩，回到起點，像從前。
但，今天，我要佢知道，你不為仁。

Be myself~ 做我想做的，當成真成心。

感言，敢言。就是我。哼~ 肥叉你個豆豉鯪魚雲吞雞！