1) 巴士哥仔 - 因為每一日都係差唔多時間一齊搭車, 落車, 轉車, 再搭車, 再落車, 有一日, 係轉車站, 哥仔突然同我搭訕, 咁樣就認識左, 到而家都唔係好熟, 因為唔敢同佢講太多野... 不過原來認識都超過一年la
2) 四眼哥哥 - 搭巴士返工, 叫醒我落車, 我完全唔識佢, 唔認得, 以為是公司同事, 所以我跟踨佢, 最終確定係唔識既人, 只不過佢咁啱都係日日差唔多時間搭同一架車既人
3) 四眼肥仔(電車男狀) - 放工搭巴士, 肥仔坐我隔離, 期間問我 1)架車要搭幾耐, 2)又問架車平時幾耐一班車, 全程車都係咁望住我, 又向住我錯...唉~好恐怖!
4) 姨姨 - 又係放工搭巴士, 一上車坐低, 呢位姨姨即刻話「你個袋好靚喎」 跟住又繼續講野, 我即刻扮晒聽唔到...因為怕怕
5) 後生仔 - 係巴士上, 趁我訓著左, 坐我對面閃閃縮縮唔知做左d乜既人 (嗚....... 唔通?!)
6) 髮線上移既金毛老哥 - 係公司留下van仔站頭工作, 我每次經過, 佢都會對住我笑, 打招呼, 後尾仲同我講野, 又問我係咪放工, 係咪食飯....我一直以來都無理過佢, 佢keep同我講野, 所以而家都好少行呢條路, 兜路!
7) 海獅麵包師傅 - 每次去買麵包比錢個陣, 收銀後面有3個師傅, 當中既一個師傳都會用好奇怪既眼光望住我, 攪到我好唔自然, 所以我都盡量都好少幫襯, 去左另一間
8) 中華飯館呀叔 - 買親燒味飯盒, 叫師傅比多d薑蓉, 佢就話要另外收$2, 之後又笑笑口咁話已經加左落飯盒度, 到我開飯盒個陣, 根本就無多到, 咪一樣咁少....哼, 呀叔又玩我...= =" 因為佢地成日都玩我, 所以我都無幫襯
9) van仔大叔 - 突然將架van仔係繁忙黃線馬路邊停車, 就問「你隻鞋係邊度買架?未見過既?」我呆左 (wtf??)之後仲問「係咩?未見過既? 係咪nike專門店?」我又再呆, 下?(wtf?? again) 仲問?! 我即刻閃!
係西環返工2年而已, 9事件發生! = ="
小兵一號 2009-09-12 00:03
實在太有吸引力啦!!
Littleroad2009-09-13 21:38
Dante 2009-08-25 17:39
擺明就係你太突出喇......代表你天生異稟
Littleroad2009-09-03 22:06
羅拔臣 2009-07-24 20:24
唔知會唔會陸續有來呢~~~
Littleroad2009-07-26 01:54