杜拜異域遊 I

下水禮

那次睇夏雨去杜拜，講到杜拜咁富貴，一直都心郁郁想去。聽朋友 3 月底跟團去過一次，話幾好玩。講真都驚物價貴到飛起，唔捨得俾錢玩，但又見 Atlantis, The Palm 新開，個 Aquaventure 好似勁驚驗，游水時隔離會有鯊魚游過咁話，人生點都要見識一次，所以都去了一趟。

就係為左一生點都要玩一次，Aquaventure 入面呢條勁斜滑梯，我嚟左杜拜！

住在 Atlantis, The Palm，住咁貴當然有專車接送，酒店大得離譜，在人工島 The Palm 的盡頭，由機場去都只係 30 分鐘左右。早聽聞杜拜發展得快，但真係無諗過一啲都唔似心目中的中東國，沿路上反而見有很多新建的大廈，竟似紐約、邁克頓等大都會。

去到酒店，真係車水馬龍，好多歐美和酋長國的遊客入住，仲成日見到啲由頭包到落腳的中東女人，3-5 個咁跟住個白衣酋長，總之乜人都有，是真正國際都會的感覺！講返酒店本身，富麗堂皇不在話下，雕塑有咁誇得咁誇，仲要四圍都係水池、水族館，仲要每間房都望到汪洋大海，慌死人以為杜拜仲係沙漠地區。但那個水族館又確係幾靚，係東翼仲有個 Lost Chamber，像盜墓迷城入面睇海洋生物。

Atlantis, The Palm 入面的水族館。

至於 Aquaventure 水上樂園係超好玩，若然係住客可以免費入場，否則就要俾AED 285（約 600 港元）。雖然無咩 7 彩天梯，但那個THE LEAP OF FAITH真係好刺激，企到上去，望見自己以近乎垂直的姿態直插入水，心都離！不過玩完一次，會仲想玩第二次。唔激得的，可以去坐水泡蘯吓蘯吓咁入到 SHARK ATTACK 個隧道，四圍都有魚魚圍住你游，可以勁近距離睇到魔鬼魚、鯊魚！

受唔起刺激，在大熱天時，坐在水泡飄蘯都相當過癮。你會發現中東女仍然有密實泳裝，以保名節。

Aquaventure
地址︰Atlantis, Palm Jumeirah, Dubai
備註︰Aquaventure 的 locker 租用 AED50（約 105 港元）
網址︰www.atlantisthepalm.com