東京鐵塔的幸福 - 東京之旅 Day 4

10月1日   晴

今朝嘅早餐去咗吉野家，隻半熟蛋先係點睛之作！

之後向調布市出發

為嘅係去探佢，鬼太郎！喺調布站外有條天神條商店街，條街基本上無嘢行，只係有好多鬼太郎嘅人物喺度囉...

仲有鬼太郎巴士

我哋搭咗去深大寺，唔係去睇寺，而係寺前面嘅鬼太郎茶屋...

牛奶同埋啤梨味嘅雪糕，幾好味喎！

深大寺門前

附近一帶出名蕎麥產品，我哋食唔落蕎麥麵，就買咗個蕎麥餅嚟試，味道都ok架！

下一站係下北沢，行咗一個鐘度0者，買咗兩件tee

之後就出發去鐵塔，趕得切入黑前去到

上次去到鐵塔無上去，今次上埋去睇夜景

硬係覺得下面嗰張幾條大路交錯，好似隻海星咁...

晚餐喺鐵塔二樓嘅餐廳食咖哩

夜晚開咗燈嘅鐵塔

頭先碟飯唔多夠喉，話晒係朝早食完個飯就無食過嘢，所以返到池袋再去光麵食拉麵

餐後甜品...