台灣之旅 Day 6 - 烏來追想曲

3月7日  時晴時雨

0黎到第6日0既台灣之旅，起身後再去公館搵食，揀0左呢間食牛肉麵，都ok喎！

跟住先係去encore前一晚食過0既割包，真係好好食！之後死心不息再去買蛋蛋奶，終於買到喇！個珍珠又真係幾好咬口喎！

食飽就搭巴士去烏來喇！近幾次去旅行，我都想去一0的比較鄉郊少少0既地方睇下，而且同Joseph已經係第3次0黎台北，所以決定向城0既周邊出發。

烏來老街盡頭就係台車站，可以搭過去烏來瀑布

0係對岸山頭其實有個雲仙樂園，係一個主題公園，不過見無乜野好行，所以無上到去，0個兩架纜車就係上去雲仙公園0既工具喇。

落返老街0個邊，見到咁多街邊檔，梗係忍唔住口又買野食啦！

呢個芋頭丸就勁喇，大過個拳頭，佢會切細份先俾你叉0黎食

搭車返返市中心，返酒店放低0的野，就去搵蛋糕食，上網見人話呢間野好出名，去到又見到好多人排隊，但係食完我又覺得名過於實，首先個Tiramisu係幾滑，但係唔夠芝士香，亦無咖啡or酒味，而餅底係用消化餅而唔係手指餅，亦都係一大敗筆，至於另外0個件芝士蛋糕，亦都係普通貨色，唔係唔好食，只係唔需要特登去搵0黎食囉...

之後約0左同樣0係台北旅行0既慢必食飯，去0左呢間談話頭家常菜

西湖蛋 - 將蛋烚熟切片，再加醬油去煎，係講花巧0既菜式

無鍚骨

炒臭豆腐 - 呢個辣辣地幾香口

砂窩牛肉粉絲煲

呢餐真係比較貴，嗌0左兩個白飯同埋一罐可樂，埋單好似要成NTB$3600，貴！

食完雖然好飽，但係Joseph想去夜市行下，點知突然又落大雨，最後都係返酒店執行李算數...