驚嘆號

今晚去0左睇Magic live 光良演唱會

入場之前其實都無乜期望，因為上次睇過佢紅館個唱，係就係唱得好，不過氣氛一般，而且今次0係Star Hall搞，感覺可能會仲差0的。

一入到場，發覺係一個T宇台，有好大條runway，唔知仲以為係睇catwalk show...

之前睇報道，黎明話光良0的MV好多事都好有故事性，所以想用故事去包裝佢個演唱會，我心諗「咪搞咁多野啦」！終於一開場，係播光良0既音樂，跟住0係大銀幕就出0左段片，之後段音樂硬CUT，再起《煙火》intro，光良正式出場。

0係頭0個部份光良每唱一首歌就返一次後台，跟住播一段片，淨係用主觀鏡頭影住個女仔，仲要係唔靚0既女仔，意思係講戀人之間0既相處，後來先知原來個女仔係兩年前Leon想捧0既Emily王歌慧。因為每首歌都俾段片打斷，感覺好唔連貫。

完0左第一Part，竟然係衛詩出場，之前都唔知有佢份，佢用三首快歌做0左隻Medley，仲要fashion show 0既概念0黎包裝，原來條runway係for佢用0既。到最後唱《困獸鬥》，竟然有4個男dancer赤裸上身，下身作女裝打扮出0黎行catwalk，妖味十足，真係唔知想點，身邊朋友話係強姦0左個show。終於完0左呢Part唔知想點0既環節，由快歌變慢歌，完全唔0岩flow，都應該係黎生0既鬼主意。

光良成晚每首歌前面都會講少少野，所以感覺上無乜特別編排，亦都唔係好帶得起氣氛，需知香港人已經唔算熱情，你仲要唱起左就講兩句，想搞慶個場都難。

之前嘉賓有事先張揚0既Janice，都係唱《童夢》啦，光良竟然甩0左一段二部，最尾亦有0的唔記得歌詞。

到黎明出場，仲帶埋久未露面0既應昌佑，黎生有呢度好，就係睇住0的細，俾機會佢地曝光。三個男人0係台上面唱un-plug版0既歌，覺感都ok，但係黎生0的冷笑話真係好唔掂...

成晚光良其實表現好好，但係有一個大失敗，就係成晚個show都係播MMO，我未試過睇演唱會係成場MMO架，live band都無，真係咁無budget咩？0的飛已經唔係平，我買$380已經係最平，最貴係$680，你收咁0既價嗌人入去好似聽光良唱K咁，有無搞錯！！！！！

Anyway，祝光良下星期六台北小巨蛋個唱大成功！