開始做阿四

之前是因為KIN爸的同學開了一次大閘蟹聚餐好熱鬧, 因此就想同班FREIND一齊再開多一次, 不過KIN爸的母系家族又話一齊來, 就加入來, 點知一來由三十人變成80人, 嚇親我, 雖然弄一個這樣的到會不是好困難, 但是都要幾多事情準備才可以弄到, 因為要浪漫嗎, 已經準備了兩個星期, 明天下午就開餐, 要準備的東西都唔少, 因此昨天才去買洋燭, 明天去買蟹同海鮮, 回來還要洗蟹成120隻, 十斤蝦都大工程, 今天就要去清理場地, 同佈置一下, 加上還要搬檯, 搬椅, 最慘是麻雀檯, 要去班馬, 同人借, 真是借錢容易過借麻雀, 一家一得一副, 何來借成十副回來, 麻雀事小,麻雀檯事大, 要開車去四處收集, 才辛苦, 真是大檸樂, 好大杯呀, 但是重要是開心, 可以同親人朋友一起歡聚, 人生又有幾多次, 有時辛苦也是值得