相處三年

同BB一齊左三年啦...

今年既節目就係同BB去離島渡假 所以星期5就同公司請左假 一早過大圍接BB出門口 響隆亨食過早餐 我地就出發去港外線碼頭

因為之前試過去住銀礦灣酒店 覺得房間很舒服 所以今次我地都係去住番同一個地點

今次去既天氣良好 風和日麗 我同BB去到碼頭 就快快到酒店Check in 跟住同BB去綠茶軒食Tea

因為BB帶左隻NDS Mario party DS 所以幾乎響渡假期間都同BB雙打 雖然渡假好似沒什麼節目 但係同BB一齊優悠咁打機 真係好開心

晚上我同BB去左碼頭既華記食海鮮 野食一般但係青口反而相當抵食! 食到BB讚不絕口~

BB可能傷風未好既關係 所以好早就睡了... 今朝較鐘起身食早餐 跟住早早就Check Out 因為BB想出番市區行下街 所以我同BB穿梭葵芳荃灣 最後BB提議番沙田 就係咁BB就遇到了最想要既美版Cooking Mama2啦~ 當然 一見即買喇~

明天陪BB單車之旅 今晚就要早D睡啦~

今年同BB發生太多事 我們經歷了重大既考驗 不過BB 我們現在仍舊快樂咁係埋一齊... 希望過多幾個拍拖紀念日之後 同一日會變成結婚紀念日... 我相信!