爸爸快些好返

爸爸一向身體都好健康, 但由於兩年前喺巴士上層跌一跌整親腰骨開始, 身體已大不如前. 即使同佢去飲茶都唔可以坐得太耐, 但佢好硬頸, 點都唔肯食止痛藥, 成日話止痛藥唔可以食咁多, 對身體唔好, 即因為經常腰骨痛到瞓唔到, 呢兩年爸爸瘦咗好多呀!真係好擔心佢.

前幾個星期佢患上感冒, 已經病咗成個week, 唔知係咪因為d感冒菌太勁呢?  攪到爸爸之後又腸胃炎入咗急症房, 攪一大輪之後返咗屋企, 抖咗唔夠一個禮拜又嚟料, 個人又發冷又發熱, 於是上個星期六仲入咗醫院呀! 開始醫院驚佢係豬流感, 將佢搬入隔離病房, 唔俾家人探病, 好彩報告出咗係普通流感咋. 但醫院到今日都搵唔到爸爸究竟有咩問題 一時話流感, 一時又話腸發炎, 今朝照完胃又話個胃損咗, 出年一月排咗期又話照肚同腹, 左攪右攪, 爸爸成個人落晒形. 

我本來plan咗11月去旅行, 宜家根本冇心機去攪, 全部d嘢都hold住晒, 宜家只係想爸爸快d好返, 旅行幾時去都得. 我都唔想去旅行時心掛掛.