不能嚇的傢伙

　　　上星期進進出出醫院，是生命中最難挨的日子.... 起初不知原因，由以為自己死得，到後尾開始感覺到是自己心理上出了點狀況！

　　　在醫院訓了兩晚的日子很平靜，訓的位是window，望倒中環夜景，晚晚有激光睇.... 感覺很好，因為沒有事情想！ 姑娘、阿嬸對我好好，醫生又攪笑..... 聽醫生巡房時和其他病人說的話，我就會用被蓋著自己個頭偷笑....

　　　雖然和我同房的都是阿婆，但係阿婆講0既野都好好笑....  有個阿婆成日請人食野... 好開心見倒個個阿婆都有好多人探.... 幸好她們都有家人愛錫...

　　　印象最深是星期日晚，最美麗的第七天大結局，阿嬸同護士都入晒黎一齊睇電視，睇完仲要成11點先熄.... 平時十點就要熄架喇.... 阿嬸晨早又開番電視俾我睇，見我睇叮噹仲唱埋歌..... 超攪笑....

　　　出院那一天仍有頭暈，好辛苦.... 醫生叫我訓多一日，我唔想了... 知道是被第一次的經歷嚇壞了，就要勇敢面對問題所在.... 不能賴在醫院一世的..... 所以我 request 了見 CP.... 那個傻仔醫生都呆左一呆.... 可能佢突然 load 唔倒 CP 係咩... hahaha....

　　　但一出院後我喊了一整天..... 我不知為何喊的.... 總是不能控制自己..... 或許是太驚，定係我唔捨得醫院？開始痴痴地線.... 竟然對醫院有依附的感覺.... 無可否認的是我覺得在醫院很安全.....

　　　害烈柏奇擔心，真係唔好意思... 哈哈哈~~~

　　　定了一些事想做....

1.) 去 Disney玩 or stay

2.) 去沙灘

3.) 去 macau

4.) 去上海